ورتالىق ازيا ەلدەرىنىڭ قىتاي كاپيتالىنا تاۋەلدىلىگى جىل وتكەن سايىن ارتىپ كەلەدى. دەسە دە, قازاقستان بۇل تاۋەلدىلىكتەن ايتارلىقتاي الشاق تۇر, دەپ جازادى Egemen.kz.
ورتالىق ازيا ەلدەرىنىڭ قىتاي كاپيتالىنداعى مەملەكەتتىك قارىزىنىڭ ۇلەسى:
قىرعىزستان – 30,5%; تاجىكستان – 16,1%; تۇرىكمەنستان – 13,4%; وزبەكستان – 7,5%; قازاقستان – 3,6%.حالىقارالىق ۆاليۋتا قورى مەن دۇنيەجۇزىلىك بانك دەرەكتەرىنە نەگىزدەلگەن جيىنتىق باعالاۋعا سايكەس, قىرعىزستان مەن تاجىكستان قىتاي الدىنداعى جوعارى قارىزدىق تاۋەلدىلىك ايماعىنا جاقىنداپ قالعان.
قازاقستان مەن قىتاي كونتەينەرلىك پويىزدار سانىن ارتتىرۋعا كەلىستى
بۇل نەسيەلەر, نەگىزىنەن ستراتەگيالىق ماڭىزى بار ينفراقۇرىلىمدىق جوبالارعا, ەنەرگەتيكا, جولدار مەن كوپىرلەر قۇرىلىسىنا باعىتتالعان. دەگەنمەن, قىتاي بۇل وڭىرگە ءداستۇرلى كرەديتور رەتىندە عانا ەمەس, جۇيەلى ينۆەستور رەتىندە ەنىپ وتىرعانىن ەسكەرگەن ءجون. بۇل رەتتە قىتاي بەلگىلى ەلگە قارجى بولەدى, جوبالاردى ءوزى جۇزەگە اسىرادى جانە كوپ جاعدايدا كەيىن ولاردى ءوزى باسقارىپ, قىزمەت كورسەتەدى.
قىسقا مەرزىمدە مۇنداي مودەل ايقىن ەكونوميكالىق پايدا اكەلگەنىمەن, ۇزاق مەرزىمدى پەرسپەكتيۆادا تاۋەلدىلىك تاۋەكەلىن كۇشەيتۋى مۇمكىن.
رومان سكليار قىتاي پارلامەنتى توراعاسىمەن كەزدەستى
وسى تۇرعىدا قازاقستاننىڭ جاعدايى وزگەشە كورىنەدى. ەلدىڭ قارىز قۇرىلىمىنداعى قىتايلىق كاپيتال ۇلەسى ايماقتاعى ورتاشا دەڭگەيدەن الدەقايدا تومەن. بۇل ەكونوميكالىق قادام جاساۋ مۇمكىندىگىنىڭ كەڭدىگىن جانە ساياسي تاۋەكەلدەردىڭ سالىستىرمالى تۇردە تومەن ەكەنىن بىلدىرەدى.
ۇلىتاۋ وبلىسىنىڭ اكىمدىگى قىتايدا وڭىرارالىق ىنتىماقتاستىق ورناتتى
سونىمەن قاتار قازاقستاندا جوبالار بويىنشا ءارتاراپتاندىرۋ دەڭگەيى دە جوعارى. قىتاي كاپيتالى ەكونوميكانىڭ ستراتەگيالىق سەكتورلارىندا شوعىرلانباعان.