سۋ رەسۋرستارى جانە يرريگاتسيا مينيسترلىگى تاسقىن سۋىن قابىلداپ, قاۋىپسىز وتكىزۋ ءۇشىن ەلىمىزدىڭ سولتۇستىك, باتىس, شىعىس جانە ورتالىق وڭىرلەرىندەگى ءىرى سۋ قويمالارىنان سۋ جىبەرىپ جاتىر, دەپ جازادى Egemen.kz.
مينيسترلىك وسى باعىتتا اتقارىلىپ جاتقان جۇمىستار نەگىزىندە 30 ناۋرىز كۇنگى كورسەتكىشتەردى جاريالادى.
اقمولا وبلىسىندا سىلەتى سۋ قويماسىنان سەكۋندىنا 16,74 تەكشە مەتر, شاعالالى سۋ قويماسىنان – 16,67 تەكشە مەتر سۋ جىبەرىلىپ جاتىر.
اقتوبە وبلىسىندا اقتوبە سۋ قويماسىنان سەكۋندىنا 1 تەكشە مەتر جانە قارعالى سۋ قويماسىنان سەكۋندىنا 0,3 تەكشە مەتر سۋ جىبەرىلىپ جاتىر. بۇگىنگى تاڭدا ەكى نىسان ورتا ەسەپپەن 37%-عا تولى.
شىعىس قازاقستان وبلىسىندا بۇقتىرما سۋ قويماسىنان سەكۋندىنا 315 تەكشە مەتر, ال وسكەمەن سۋ قويماسىنان 421 تەكشە مەتر سۋ جىبەرىلگەن.
بيىل تۇركىستان وبلىسىندا ەكى جاڭا سۋ قويماسىنىڭ قۇرىلىسى اياقتالادى
اباي وبلىسىندا ءشۇلبى سۋ قويماسىنان سەكۋندىنا 661 تەكشە مەتر سۋ جىبەرىلىپ جاتىر.
باتىس قازاقستان وبلىسىندا كيروۆ سۋ قويماسىنان سەكۋندىنا 6 تەكشە مەتر جانە بىتىك سۋ قويماسىنان سەكۋندىنا 7 تەكشە مەتردەن, دوڭگەلەك جانە پياتيمار سۋ قويمالارىنان سەكۋندىنا 2 تەكشە مەتردەن سۋ جىبەرىلگەن.
قاراعاندى وبلىسىندا ىنتىماق سۋ قويماسىنان سەكۋندىنا 3 تەكشە مەتر, سامارقاند سۋ قويماسىنان سەكۋندىنا 3 تەكشە مەتر سۋ جىبەرىلگەن.
شاردارا سۋ قويماسىنا كەلەتىن بولجامدى سۋ كولەمى كەلىسىلدى
قوستاناي وبلىسىندا جوعارعى توبىل سۋ قويماسىنان سەكۋندىنا 1,1 تەكشە مەتر جانە قاراتومار سۋ قويماسىنان سەكۋندىنا 3 تەكشە مەتردەن سۋ جىبەرىلىپ جاتىر.
سولتۇستىك قازاقستان وبلىسىندا سەرگەەۆ سۋ قويماسىنان سەكۋندىنا 15,8 تەكشە مەتر, پەتروپاۆل سۋ قويماسىنان 28,16 تەكشە مەتر سۋ جىبەرىلىپ جاتىر.
قارعالى سۋ قويماسىنا كۇردەلى جوندەۋ جۇرگىزىلەدى