قازاقستان ازاماتى گرۋزيادان ەلگە ەكستراديتسيالاندى. وپەراتسيا باس پروكۋراتۋرا مەن ءىىم ينتەرپولىنىڭ ۇلتتىق ورتالىق بيۋروسىنىڭ قىزمەتكەرلەرىنىڭ قاتىسۋىمەن, سونداي-اق قازاقستاننىڭ گرۋزياداعى ەلشىلىگىنىڭ قولداۋىمەن جۇزەگە اسىرىلدى. ول ەكونوميكالىق سالادا جاساعان بىرقاتار اۋىر قاساقانا قىلمىستارى بويىنشا جاۋاپقا تارتىلادى, دەپ حابارلايدى Egemen.kz.
تەرگەۋ دەرەكتەرىنە سايكەس, كۇدىكتى 2019-2021 جىلدارى ۇيىمداسقان قىلمىستىق توپ قۇرامىندا بولىپ, ەلىمىزدىڭ بىرنەشە وڭىرىندە قارجى پيراميدالارىنىڭ جۇمىسىن باسقارعان. الاياقتىق سحەمالار ارقىلى ازاماتتارعا جوعارى تابىس ۋادە ەتىلىپ, ناتيجەسىندە 10 ميلليارد تەڭگەدەن استام قاراجات زاڭسىز تارتىلعان.
قىلمىستىق توپتىڭ كەيبىر مۇشەلەرى بۇعان دەيىن سوتتالىپ ۇلگەرگەن. ال نەگىزگى كۇدىكتى قىلمىس جاساعاننان كەيىن جاسىرىنىپ, حالىقارالىق ىزدەۋگە جاريالانعان.
كوكشەتاۋدا 136 ملن تەڭگە جيناعان قارجى پيراميداسىنىڭ ۇيىمداستىرۋشىلارىنا ۇكىم شىقتى
2026 جىلدىڭ اقپان ايىندا ول گرۋزيا اۋماعىندا قولعا ءتۇسىپ, قازاقستان تاراپىنىڭ سۇراۋى نەگىزىندە ەكستراديتسيالاندى. قازىرگى تاڭدا كۇدىكتى تەرگەۋ يزولياتورىنا قامالىپ وتىر.
6,8 ملرد تەڭگە شىعىن كەلتىرگەن: اباي وبلىسىندا قارجى پيراميداسى اشكەرە بولدى
وعان تاعىلعان ايىپتار بويىنشا مۇلكى تاركىلەنىپ, 12 جىلعا دەيىن باس بوستاندىعىنان ايىرۋ جازاسى قاراستىرىلعان.