الماتىلىق «قايرات» كلۋبىنىڭ باس باپكەرى رافاەل ۋرازباحتين كومانداسىنىڭ «زەنيتكە» قارسى (0:2) جولداستىق ويىنداعى جەڭىلىسىنە قاتىستى پىكىر ءبىلدىردى, دەپ حابارلايدى Egemen.kz.
ءۋرازباحتيننىڭ ايتۋىنشا, كوماندانىڭ ويىنى العاشقى تايمدا ء«بىرشاما ءپاسسيۆتى» بولعان.
ء«بىرىنشى تايمدا ويىنعا باياۋ كىرىستىك, ازداپ بەلسەندىلىگىمىز جەتىسپەدى. قارسىلاس شيراق وينادى, قاناتتاردا بىزدەن اسىپ ءتۇستى, ال جەكپە-جەكتەردە كۇشىمىز جەتپەدى. گولدىق ساتتەر ءدال وسى قاناتتىق شابۋىلداردان كەيىن تۋىندادى. ۇزىلىستە جىگىتتەرگە جوسپار بويىنشا ويناۋدى جالعاستىرۋدى سۇرادىق, ناتيجەسىندە ەكىنشى تايم تەڭ دارەجەدە ءوتتى», دەدى باپكەر.
سونداي-اق ۋرازباحتين «زەنيتكە» جانە ستاديونعا كەلگەن جانكۇيەرلەرگە العىس ايتتى.
«اتموسفەرا كەرەمەت بولدى. مۇنداي ماتچتار كوپ بولسا ەكەن. الدىمىزعا قويعان جۇكتەمەنى ورىندادىق. ويىنشىلارعا كەم دەگەندە ءبىر گول سوعۋ مىندەتىن قويدىق, سول كەزدە قوسىمشا ەنەرگيا پايدا بولار ەدى. ولار ويناۋدى جالعاستىردى, بىراق سوڭعى فازادا ساپا جەتىسپەدى. ءبىر گول سوعۋعا مۇمكىندىك بولدى, بىراق جۇزەگە اسپادى», دەدى ۋرازباحتين «ماتچ تۆ» تىكەلەي ەفيرىندە.
«قايرات» جولداستىق ماتچتا «زەنيتتەن» جەڭىلدى