اقتوبە وبلىسى شالقار اۋىلىندا بولعان توپتىق توبەلەستەن كەيىن 17 جاستاعى ءجاسوسپىرىمنىڭ ولىمىنە بايلانىستى ءۇش كۇدىكتى ۇستالدى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ مالىمەتىنشە, وقيعا ەكى باپ بويىنشا (ادام ءولتىرۋ جانە توپ بولىپ جاسالعان بۇزاقىلىق) تەرگەلىپ جاتىر.
قازىرگى ۋاقىتتا ءۇش كۇدىكتى ۋاقىتشا ۇستاۋ يزولياتورىنا قامالدى. سونىمەن قاتار وقيعانىڭ كۋاگەرلەرى مەن باسقا دا قاتىسۋشىلارى انىقتالعان.
تەرگەۋ ءۇشىن تاجىريبەلى تەرگەۋشىلەر مەن جەدەل قىزمەتكەرلەردەن ارنايى جەدەل-تەرگەۋ توبى قۇرىلعان.
رەسەيدە قازاقستاندىقتار قاتىسقان جاپپاي توبەلەس جايلى جاڭا دەرەكتەر شىقتى
ەسكە سالايىق, 20 ناۋرىزعا قاراعان ءتۇنى شالقاردا جاستار اراسىندا جاپپاي توبەلەس بولىپ, سونىڭ سالدارىنان 17 جاستاعى ءاليحان جانىبەك قازا تاپقان.
الدىن الا مالىمەت بويىنشا, ءجاسوسپىرىم پىشاق جاراقاتىنان كوز جۇمعان. قاۋىپتى سوققى جۇرەك تۇسىنا تيگەن بولۋى مۇمكىن. ول مەكتەپتى ءبىر جىل بۇرىن ءتامامداپ, اسكەرگە بارۋدى جوسپارلاعان.
اتىراۋداعى تۇرمەدە تۇتقىن توبەلەستەن كەيىن كوز جۇمدى