ىشكى ىستەر مينيسترلىگى قىلمىستىق توپتاردىڭ جولىن كەسۋ جانە ازاماتتاردىڭ قاۋىپسىزدىگىن قامتاماسىز ەتۋ باعىتىندا جۇيەلى جۇمىستار جۇرگىزىپ كەلەدى. 27 ناۋرىز كۇنى الماتى قالاسىندا جەدەل ازىرلەمە اياسىندا ادام ۇرلاۋ جانە دەنساۋلىققا اۋىر زيان كەلتىرۋ فاكتىلەرى بويىنشا كەشەندى جەدەل-تەرگەۋ ءىس-شارالارى ءوتتى. ناتيجەسىندە بارلىق كۇدىكتىلەر انىقتالىپ, ۇستالدى. سونىمەن قاتار 17 سانكتسيالانعان ءتىنتۋ جۇرگىزىلدى, دەپ حابارلايدى Egemen.kz.
ءتىنتۋ بارىسىندا زاڭسىز اينالىمنان اتىس قارۋلارى, ونىڭ ىشىندە سايكەستەندىرۋ نومىرلەرى جويىلعان تاپانشالار مەن كالاشنيكوۆ اۆتوماتى, سونداي-اق ءارتۇرلى كاليبرلى 500-گە جۋىق وق-ءدارى تاركىلەندى.
جەدەل دەرەكتەرگە سايكەس, قىلمىسكەرلەر اتالعان قارۋ-جاراقتى كاسىپكەرلەرگە قىسىم كورسەتۋ ماقساتىندا قولدانباق بولعان. قۇقىق قورعاۋ ورگاندارىنىڭ دەر كەزىندە جۇرگىزگەن شارالارى اۋىر سالداردىڭ الدىن الۋعا مۇمكىندىك بەردى.
جىل باسىنان بەرى زاڭسىز اينالىمنان 580 قارۋ تاركىلەندى
مينيسترلىك بۇل باعىتتاعى جۇمىستىڭ جالعاساتىنىن اتاپ ءوتتى. ۆەدومستۆونىڭ مالىمەتىنشە, «زاڭ مەن ءتارتىپ» قاعيداتى قاتاڭ ساقتالىپ, قوعامدىق تۇراقتىلىققا قاۋىپ توندىرەتىن كەز كەلگەن ارەكەتتەر زاڭ اياسىندا توقتاتىلادى.