بۇگىن توتەنشە جاعدايلار مينيسترلىگىنە قاراستى ستراتەگيالىق جوسپارلاۋ جانە جەدەل باسقارۋ ورتالىعىندا ەلدەگى سۋ تاسقىنى جاعدايى تالقىلاندى, دەپ جازادى Egemen.kz.
ەلدە سۋ تاسقىنى كەزەڭىنە دايىندىق الدىن الا باستالعان. قازىر جوسپارلانعان سۋ تاسقىنىنا قارسى ءىس-شارالاردىڭ 92%-ى ورىندالعان.
1-ناۋرىزدان باستاپ توتەنشە جاعدايلار مينيسترلىگىنىڭ جەدەل سۋ تاسقىنىنا قارسى شتابى جۇمىسقا كىرىسىپ, جاعداي تاۋلىك بويى باقىلاۋعا الىنعان.
ارقالىقتا سۋ تاسقىنىنىڭ الدىن الۋ شارالارى كۇشەيتىلدى
وڭىرلەردە بوگەندەر نىعايتۋ, وزەن ارنالارى تازارتۋ, تەرەڭدەتۋ, درەناج جۇيەلەرى مەن كانالدار جوندەۋ مەن سۋ وتكىزۋ قۇرىلىستارىن جاڭارتۋ سىندى اۋقىمدى جۇمىستار جۇرگىزىلگەن.
ۇلىتاۋ وبلىسىندا سۋ تاسقىنى قاۋپى بار اۋداندار تەكسەرىلدى
بۇل شارالاردىڭ ناتيجەسىندە 234 ەلدى مەكەن سۋ تاسقىنىنان قورعالىپ, 736 ەلدى مەكەن ءۇشىن سۋ باسۋ قاۋپى تومەندەتىلگەن. ال 1 242 سۋ تاسقىنى قاۋپى بار ەلدى مەكەننىڭ 272-سىندە قاۋىپ ءالى دە سەيىلمەگەن.
وڭتۇستىك وڭىرلەردە سۋ تاسقىنى قاۋپى كەزەڭى اياقتالدى. قازىر سۋ تاسقىنى قاۋپىنىڭ شارىقتاۋ كەزەڭى باتىس قازاقستان جانە اقتوبە وبلىستارىندا ساقتالىپ تۇر.
سۋ تاسقىنى قاۋپى – باستى نازاردا
اقمولا, سولتۇستىك قازاقستان, قاراعاندى, شىعىس قازاقستان, قوستاناي مەن اباي وبلىستارىنداعى جاعداي باقىلاۋعا الىنعان.
ناۋرىز ايىنىڭ باسىنان بەرى اباي وبلىسىندا جەكە تۇرعىن ۇيلەردى سۋ باسۋدىڭ 6 جاعدايى تىركەلدى. ولار اۋا تەمپەراتۋراسىنىڭ كۇرت جىلىنۋى مەن جاۋىن-شاشىننىڭ سالدارىنان بولعان. قازىرگى تاڭدا اتالعان جاعدايدىڭ سالدارى جويىلعان.
مينيسترلىك وڭىرلەردەگى جاعداي جەردەن دە, اۋەدەن دە باقىلاۋ جالعاساتىنىن مالىمدەدى.