استانادا 23 جاستاعى تۇرعىن الاياقتىق جانە جالعان اقپارات تاراتۋ كۇدىگىمەن ۇستالدى. ول الەۋمەتتىك جەلىدە شىندىققا جاناسپايتىن وقيعا جاريالاپ, كوپشىلىكتى اداستىرعان, دەپ حابارلايدى Egemen.kz.
اتاپ ايتقاندا, Threads پلاتفورماسىندا بەلگىسىز اككاۋنت ارقىلى ءبىر قولدانۋشى اسكەردە قىزمەت ەتكەن كەزىندە جىنىستىق زورلىق-زومبىلىققا ۇشىراعانىن مالىمدەگەن. جازبادا ول ءبىر جىل بۇرىن اسكەردەن ورالعانىن, الايدا باستان وتكەرگەن اۋىر جاعدايدى ءالى كۇنگە دەيىن ۇمىتا الماي جۇرگەنىن ايتقان. سونداي-اق, اۆتور ءوز سوزىندە اسكەري بولىمدەگى كومانديرى تاراپىنان قورقىتۋ بولعانىن, قىسىم كورسەتىلىپ, جىنىستىق سيپاتتاعى ارەكەتتەرگە ماجبۇرلەگەنىن جازعان.
اسا ءىرى مولشەردەگى الاياقتىق جانە جالعان اقپارات: الماتىدا سانجار بوقاەۆ ۇستالدى
بۇل جازبا جەلى قولدانۋشىلارى اراسىندا ۇلكەن رەزونانس تۋدىرىپ, كوپتەگەن پىكىرتالاسقا سەبەپ بولدى. كوپشىلىك وقيعاعا الاڭداۋشىلىق ءبىلدىرىپ, قولداۋ كورسەتكەن. الايدا جۇرگىزىلگەن تەكسەرىس ناتيجەسىندە بۇل اقپاراتتىڭ شىندىققا سايكەس كەلمەيتىنى انىقتالعان.
قۇقىق قورعاۋ ورگاندارىنىڭ مالىمەتىنشە, كۇدىكتى ازامات اتالعان وقيعانى ادەيى ويدان شىعارىپ, جالعان مالىمەت تاراتقان. قازىرگى ۋاقىتتا ءىس بويىنشا تەرگەۋ امالدارى جۇرگىزىلىپ جاتىر.
ماماندار مۇنداي جاعدايلار قوعامدا نەگىزسىز دۇربەلەڭ تۋعىزىپ, ازاماتتاردى اداستىرۋى مۇمكىن ەكەنىن ەسكەرتەدى. سوندىقتان الەۋمەتتىك جەلىلەردە تاراعان اقپاراتتىڭ شىنايىلىعىنا كوز جەتكىزىپ, تەك رەسمي دەرەككوزدەرگە سۇيەنۋ ماڭىزدى.
قوستانايدا تەرروريزم اكتىسى تۋرالى جالعان اقپارات بەرگەن ءجاسوسپىرىم جاۋاپقا تارتىلدى