ىشكى ىستەر ءمينيسترى ەرجان سادەنوۆ ءال-فارابي داڭعىلىندا بولعان جول اپاتىنا بايلانىستى جاساعان مالىمدەمەسىندە بىرنەشە پوليتسيا باسشىسىنىڭ قىزمەتىنەن بوساتىلعانىن ايتتى, دەپ حابارلايدى Egemen.kz.
ءمينيستردىڭ ايتۋىنشا اتالعان دەرەك بويىنشا قىلمىستىق ءىس قوزعالىپ, كۇدىكتى جۇرگىزۋشى سوتتىڭ سانكتسياسىمەن قاماۋعا الىنعان.
«ول زاڭ الدىندا تولىق جاۋاپ بەرىپ, ءتيىستى جازاعا تارتىلادى», دەدى مينيستر.
الماتىعا وزىندىك قاۋىپسىزدىك دەپارتامەنتىنىڭ, اكىمشىلىك پوليتسيا كوميتەتىنىڭ جانە جەكە قۇراممەن جۇمىس جونىندەگى دەپارتامەنتىنىڭ قىزمەتكەرلەرى جىبەرىلىپ, جان-جاقتى تەكسەرۋ جۇرگىزىلىپ جاتىر. سونىمەن قاتار باسقا دا زاڭبۇزۋشىلىقتاردىڭ بولۋى تۋرالى ۋاجدەر بويىنشا قىلمىستىق ىستەر قوزعالعان.
اقتوبەدە جۇكتى ايەل مىنگەن جەدەل جاردەم كولىگى جول اپاتىنا ۇشىرادى
«بىرقاتار باسشى اتقارىپ وتىرعان قىزمەتتەرىنەن بوساتىلدى. بارلىق ارەكەتتەرگە قۇقىقتىق باعا بەرىلىپ, كىنالىلەر مىندەتتى تۇردە جاۋاپكەرشىلىككە تارتىلادى. ەشكىم دە زاڭنان جوعارى ەمەس», دەدى ەرجان سادەنوۆ.
الماتى كوشەلەرىندە تۇنگى اۆتوجارىستار جيىلەدى: پوليتسيا باقىلاۋدى كۇشەيتتى
ەسكە سالايىق, 24 ناۋرىزدا الماتى قالاسىنىڭ ال-فارابي داڭعىلىندا جول اپاتى بولدى. وقيعا سالدارىنان 3 ادام قازا تاپتى.