ەلىمىزدىڭ باسىم بولىگىندە اۋا رايىنا بايلانىستى ەسكەرتۋ جاريالاندى

استانادا تۇنگى جانە تاڭعى ۋاقىتتاردا جولداردا كوكتايعاق بولۋى ىقتيمال.

اباي وبلىسىندا تۇندە ءوڭىردىڭ سولتۇستىگىندە كوكتايعاق كۇتىلەدى. سونىمەن قاتار تۇندە جانە تاڭەرتەڭ وبلىستىڭ سولتۇستىگىندە, وڭتۇستىگى مەن ورتالىعىندا تۇمان تۇسەدى. وڭتۇستىك-باتىس پەن وڭتۇستىكتە جەل وڭتۇستىك-شىعىستان سولتۇستىك-شىعىسقا اۋىسىپ, ەكپىنى 15-20 م/س-قا دەيىن جەتەدى.

اقمولا وبلىسىنىڭ باتىسىندا, سولتۇستىگىندە جانە شىعىسىندا تۇمان كۇتىلەدى. جولداردا كوكتايعاق بولۋى مۇمكىن.

اقتوبە وبلىسىندا سولتۇستىك پەن ورتالىقتا شىعىستان سوققان جەل كۇشەيىپ, ەكپىنى 15-20 م/س-قا جەتەدى.

اتىراۋ وبلىسىنىڭ باتىسىندا تۇمان تۇسەدى. شىعىسىندا جەل كۇشەيىپ, ەكپىنى 15-20 م/س بولادى.

الماتى وبلىسىندا جەل وڭتۇستىك-شىعىستان باتىسقا اۋىسىپ, شىعىسىندا جانە تاۋلى ايماقتارىندا ەكپىنى 18 م/س-قا دەيىن كۇشەيەدى.

شىعىس قازاقستان وبلىسىنىڭ سولتۇستىگىندە تۇندە جانە تاڭەرتەڭ كوكتايعاق بولادى. سونىمەن قاتار وبلىستىڭ سولتۇستىگى, شىعىسى مەن وڭتۇستىگىندە تۇمان كۇتىلەدى.

جامبىل وبلىسىنىڭ وڭتۇستىگى مەن تاۋلى وڭىرلەرىندە تۇمان بايقالادى. سولتۇستىك-شىعىسىندا شاڭدى داۋىل سوعۋى مۇمكىن. جەلدىڭ ەكپىنى كەي جەرلەردە 23 م/س-قا دەيىن جەتەدى.

باتىس قازاقستان وبلىسىنىڭ باتىسى, سولتۇستىگى جانە شىعىسىندا تۇمان كۇتىلەدى.

قاراعاندى وبلىسىنىڭ بىرقاتار ايماقتارىندا تۇمان بولادى. وڭتۇستىگىندە جەلدىڭ ەكپىنى 15 م/س-قا دەيىن جەتەدى.

قوستاناي وبلىسىنىڭ سولتۇستىگى مەن شىعىسىندا تۇمان ءتۇسىپ, تۇنگى جانە تاڭعى ۋاقىتتا جولداردا كوكتايعاق قالىپتاسادى.

ماڭعىستاۋ وبلىسىندا باتىسىندا, وڭتۇستىگىندە جانە ورتالىعىندا جاڭبىر مەن نايزاعاي كۇتىلەدى. كەي جەرلەردە تۇمان ءتۇسىپ, كۇندىز شاڭدى داۋىل سوعۋى مۇمكىن. جەلدىڭ ەكپىنى 23 م/س-قا دەيىن جەتەدى.

پاۆلودار وبلىسىنىڭ باتىسى, سولتۇستىگى جانە شىعىسىندا تۇمان تۇسەدى. جولداردا كوكتايعاق بولۋى ىقتيمال.

سولتۇستىك قازاقستان وبلىسىندا تۇمان مەن كوكتايعاق كۇتىلەدى.

تۇركىستان وبلىسىنىڭ تاۋلى ايماقتارىندا كۇندىز نايزاعاي بولادى. جەلدىڭ ەكپىنى 15-20 م/س-قا دەيىن كۇشەيەدى.

ۇلىتاۋ وبلىسىندا تۇمان ءتۇسىپ, كەي وڭىرلەردە جەلدىڭ ەكپىنى 15-20 م/س-قا جەتەدى.

سينوپتيكتەر اۋا رايىنىڭ قولايسىزدىعىنا بايلانىستى تۇرعىندارعا ساقتىق شارالارىن ساقتاۋدى ەسكەرتەدى.