قازاقستاندىق وقۋشى اليحان سەريكوۆ Stanford University ۋنيۆەرسيتەتىنە Restrictive Early Action ەرتە ىرىكتەۋ باعدارلاماسى بويىنشا تولىق قارجىلىق گرانتپەن وقۋعا قابىلداندى, دەپ حابارلايدى Egemen.kz.
Stanford الەمدەگى ەڭ تاڭداۋلى جوعارى وقۋ ورىندارىنىڭ قاتارىنا كىرەدى. ۋنيۆەرسيتەتكە قابىلداۋ دەڭگەيى شامامەن 3,6% قۇرايدى, ال شەتەلدىك تالاپكەرلەر ءۇشىن بۇل كورسەتكىش ودان دا تومەن.
وقۋ-اعارتۋ مينيسترلىگىنىڭ مالىمەتىنشە, اليحان سەريكوۆ روبوتوتەحنيكا بويىنشا الەم چەمپيوناتىنىڭ جۇلدەگەرى. ول FIRST جارىستارىنا قاتىسىپ, باستاپقى دەڭگەيدەگى FIRST LEGO League كەزەڭىنەن باستاپ جوعارى دەڭگەيدەگى FIRST Tech Challenge ساناتىنا دەيىن جەتتى. كوماندا قۇرامىندا ورتالىق ازيا ايماقتىق چەمپيوناتىندا جەڭىسكە جەتىپ, حيۋستون قالاسىندا وتكەن الەمدىك كەزەڭگە جولداما الدى. الەم چەمپيوناتىنىڭ قورىتىندىسى بويىنشا كوماندا ينجەنەريا, ديزاين, پرەزەنتاتسيا جانە قوعاممەن جۇمىس باعىتتارى بويىنشا بەرىلەتىن Inspire Award سىيلىعىنىڭ 3-ورنىن يەلەندى.
روبوتوتەحنيكا – ءبىلىم بەرۋدىڭ وزەكتى باعىتى: ماڭعىستاۋ جاستارىنىڭ ينجەنەرلىك ىزدەنىسى
Stanford ۋنيۆەرسيتەتىندە ول Management Science & Engineering باعىتى بويىنشا ءبىلىم الۋدى جوسپارلاپ وتىر. بۇل باعدارلاما تەحنولوگيالار, دەرەكتەردى تالداۋ جانە باسقارۋ سالالارىن بىرىكتىرەتىن پانارالىق باعىت بولىپ تابىلادى.
قوستاناي وبلىسىندا 145 روبوت وندىرىستە جۇمىس ىستەي باستادى