ستەپنوگورسك قالاسىنىڭ پروكۋراتۋراسى 1 500 گەكتاردان استام جەر ۋچاسكەسىن مەملەكەت مەنشىگىنە قايتاردى. پروكۋرورلىق تەكسەرۋ ناتيجەسىندە جالپى كاداسترلىق قۇنى 52 ملن تەڭگە بولاتىن بۇل جەرلەر زاڭسىز پايدالانىلىپ كەلگەنى انىقتالدى, دەپ حابارلايدى Egemen.kz.
اۋديت بارىسىندا جەرگىلىكتى اتقارۋشى ورگانداردىڭ لاۋازىمدى تۇلعالارىنىڭ جەر زاڭناماسىن ورەسكەل بۇزعانى بەلگىلى بولدى. اتاپ ايتقاندا, جەر ۋچاسكەلەرىن ساۋدا-ساتتىقسىز بەرۋ, كونكۋرس ءتارتىبىن ساقتاماۋ, جەردى ماقساتتى پايدالانۋ تالاپتارىن ورىنداماۋ جانە جەكە مەنشىككە زاڭسىز باسىپ الۋ فاكتىلەرى تىركەلگەن.
قالا اكىمدىگى جەردى ءتيىمدى ءارى ماقساتقا ساي پايدالانۋعا باقىلاۋدى دەر كەزىندە جۇرگىزبەگەنى انىقتالدى.
شىمكەنتتە جەر يەسى مەملەكەتتەن 83 ملن تەڭگە وتەماقى ءوندىرىپ الدى
پروكۋراتۋرانىڭ تالابىمەن جەر رەسۋرستارىن باسقارۋ دەپارتامەنتى زاڭسىز پايدالانىلعان جەرلەردى مەملەكەتكە قايتارۋ بويىنشا ەكى تالاپ-ارىز سوتقا جولداندى.
سونداي-اق پروكۋرورلىق قاداعالاۋ اكتىسى نەگىزىندە جەر قاتىناستارى ماسەلەلەرىنە جەتەكشىلىك ەتەتىن قالا اكىمىنىڭ ورىنباسارى تارتىپتىك جاۋاپكەرشىلىككە تارتىلدى.
قازىرگى تاڭدا جەر ۋچاسكەلەرىن پايدالانۋ جانە بەرۋ سالاسىنداعى زاڭدىلىقتى قامتاماسىز ەتۋ جۇمىستارى قالا پروكۋراتۋراسىنىڭ تۇراقتى باقىلاۋىنا الىندى.
بەرىك اسىلوۆ: وليگوپوليا يەلىگىندەگى 800 مىڭ گەكتار جەر مەملەكەتكە قايتارىلدى