الماتىدا تۇنگى زاڭسىز جارىستار مەن قاۋىپتى كولىك جۇرگىزۋ فاكتىلەرىنىڭ جولى كەسىلدى. قالادا جول قوزعالىسى ەرەجەلەرىن ورەسكەل بۇزۋ جاعدايلارىنىڭ كوبەيۋىنە بايلانىستى پوليتسيا كۇشەيتىلگەن رەيدتىك شارالار وتكىزىپ جاتىر, دەپ حابارلايدى Egemen.kz.
سوڭعى ءۇش كۇن ىشىندە الماتى كوشەلەرىندە 5 مىڭنان استام قۇقىق بۇزۋشىلىق تىركەلگەن. ونىڭ ىشىندە ماس كۇيدە كولىك جۇرگىزگەن 43 ادام ۇستالىپ, بارلىعى جۇرگىزۋشى كۋالىگىنەن ايىرىلدى. سونداي-اق 369 جۇرگىزۋشىنىڭ كولىكتى ءتيىستى قۇجاتتارسىز باسقارعانى انىقتالدى. رەيد ناتيجەسىندە 94 اۆتوكولىك ايىپ تۇراعىنا قويىلدى.
جەدەل-پروفيلاكتيكالىق ءىس-شارالار بارىسىندا قاۋىپتى مانەۆر جاساۋ مەن تۇنگى جارىستار ۇيىمداستىرۋ ارەكەتتەرى دەر كەزىندە توقتاتىلدى. سونىمەن قاتار بەلگىلەنگەن جىلدامدىقتى اسىرۋدىڭ 2 مىڭنان استام دەرەگى تىركەلگەن.
وسكەمەندە پاترۋلدىك پوليتسياعا شابۋىل جاسالدى
ۆەدومستۆو وكىلدەرى كەيبىر جۇرگىزۋشىلەر قۇقىق بۇزۋشىلىقتارىن ادەيى ۆيدەوعا ءتۇسىرىپ, الەۋمەتتىك جەلىلەردە جاريالاۋ ارقىلى جازادان قۇتىلىپ كەتەمىز دەپ ويلايتىنىن اتاپ ءوتتى. الايدا مۇنداي ارەكەتتەردىڭ بارلىعى قۇقىق قورعاۋ ورگاندارىنىڭ باقىلاۋىندا.
سونىڭ ءبىر دالەلى – ءال-فارابي داڭعىلىندا بولعان وقيعا. جۇرگىزۋشى كولىگىن ساعاتىنا 250 شاقىرىمعا دەيىن ۇدەتكەن. ونىڭ جەكە باسى جەدەل انىقتالىپ, ۇستالدى. بىرنەشە اكىمشىلىك ءىس قوزعالىپ, سوت شەشىمىمەن ول 10 تاۋلىككە قاماۋعا الىندى.
پوليتسيا قىزمەتكەرى ءۇش ايلىق نارەستەسى بار وتباسىنى ءوز ۇيىندە پانالاتتى
پوليتسيا قاۋىپتى جۇرگىزۋدىڭ اۋىر سالدارعا اكەلۋى مۇمكىن ەكەنىن ەسكەرتىپ, بارلىق جۇرگىزۋشىلەردى جول ەرەجەلەرىن قاتاڭ ساقتاۋعا شاقىردى.