استانا. 14 مامىر. كۋۆەيت استاناسى – ەل-كۋۆەيتتە دزيۋدودان ازيا چەمپيوناتى وتۋدە. دوداعا قازاقستاننىڭ ەرلەر قۇراماسىنان – 8, ايەلدەر قۇراماسىنان 12 دزيۋدوشى قاتىسۋدا. جارىستىڭ العاشقى كۇنى ەل قورجىنىنا ەكى قولا مەدال ءتۇستى. بۇل تۋرالى سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسىنىڭ رەسمي سايتى confederation.kz حابارلادى.
ەكى جۇلدەنىڭ ءبىرىن 66 كگ.-دا سىنعا تۇسكەن ەلدوس جۇماقانوۆ يەمدەنسە, ەكىنشىسى ماريان ورداباەۆاعا (63 كگ.) تيەسىلى.
ەلدوس باستاپقى ەكى بەلدەسۋىندە سينگح سايني ء(ۇندىستان) مەن ريشود سوبيروۆ (وزبەكستان) جەڭدى. ال جارتىلاي فينالدا جاپون توموفۋمي تاكدزوعا ەسە جىبەردى. قولا جۇلدە ءۇشىن تالاستا قىتاي دزيۋدوشىسى ما ءدۋانبيدى يپپون ادىسىمەن جەڭدى. ماريان دا قولا مەدال ءۇشىن بەلدەسۋىندە قىتاي سپورتشىسىنان وسىنداي ادىسپەن باسىم تۇسكەنىن ايتا كەتەيىك.
وكىنىشكە قاراي, العاشقى جارىس كۇنىندە تاتاميگە شىققان ەلدوس سمەتوۆ (60 كگ.), داستان ىقىباەۆ (73 كگ.), الەكساندرا پودريادوۆا (48 كگ.) جانە نازگۇل قۇباشەۆا (57 كگ.) «قولا» ءۇشىن تالاستا قارسىلاستارىنا جول بەردى.
بۇگىن جارىس جولىنا ازيز قالقامان ۇلى (81 كگ.), يسلام بوزباەۆ (90 كگ.), ماكسيم راكوۆ (100 كگ.), ەرجان شىنكەەۆ (+100 كگ.), ءدىلبار ومىراليەۆا (70 كگ.), البينا امانگەلديەۆا (78 كگ.) جانە گۇلجان يسانوۆا (+78 كگ.) شىعادى.
ازيا چەمپيوناتى 15 مامىرعا دەيىن جالعاسادى.
ەلامان قوڭىر.
دەرەك, سۋرەت: confederation.kz.