تجم قىزمەتكەرلەرى ەلىمىزدىڭ بارلىق وڭىرلەرىندە وسكەلەڭ ۇرپاق اراسىندا قاۋىپسىزدىك مادەنيەتىن قالىپتاستىرۋ جانە قۇتقارۋشى ماماندىعىن ناسيحاتتاۋ بويىنشا جۇيەلى جۇمىستاردى جالعاستىرىپ جاتىر. قازىرگى تاڭدا 50-دەن استام «جاس قۇتقارۋشى» سىنىبى اشىلىپ, وندا شامامەن 1 000 وقۋشى ءبىلىم الىپ ءجۇر, دەپ جازادى Egemen.kz.
ماڭعىستاۋ وبلىسىنىڭ تۇپقاراعان اۋدانىندا مەكتەپ وقۋشىلارى «جاس قۇتقارۋشىلار» قاتارىنا قوسىلدى. ە. ومىرباەۆ اتىنداعى مەكتەپتە اشىلعان ارنايى سىنىپ وقۋشىلاردى توتەنشە جاعدايلار كەزىندەگى ءىس-قيمىلدارعا ۇيرەتۋگە, جاۋاپكەرشىلىك پەن ءپاتريوتيزمدى تاربيەلەۋگە باعىتتالعان. باعدارلاما اياسىندا وقۋشىلار قۇتقارۋ ءىسىنىڭ نەگىزدەرىن مەڭگەرىپ, ءورت قاۋىپسىزدىگى ەرەجەلەرىن وقيدى, العاشقى مەديتسينالىق كومەك كورسەتۋ داعدىلارىن يگەرەدى جانە ءارتۇرلى توتەنشە جاعدايلار كەزىندە ارەكەت ەتۋ تاسىلدەرىن پىسىقتايدى.
توتەنشە جاعدايلار سالاسىنداعى العاشقى ۆولونتەرلىك گرانتتىڭ جەڭىمپازى بەلگىلى بولدى
مامانداندىرىلعان سىنىپتاردى اشۋ جۇمىستارى باتىس قازاقستان وبلىسىندا دا جۇرگىزىلىپ جاتىر. تەك وسى جىلدىڭ ناۋرىز ايىندا شىڭعىرلاۋ اۋدانىندا جانە بايتەرەك اۋدانىنىڭ دوستىق اۋىلىندا «جاس قۇتقارۋشى» سىنىپتارى اشىلدى. قۇتقارۋشىلار بالالارعا قىزمەتتىڭ ەرەكشەلىكتەرى, ءتارتىپتىڭ ماڭىزدىلىعى, جاۋاپكەرشىلىك جانە كەز كەلگەن جاعدايدا ارەكەت ەتۋگە دايىن بولۋ تۋرالى تۇسىندىرەدى. سىنىپتار پراكتيكالىق داعدىلاردى قالىپتاستىرۋعا جانە قاۋىپسىزدىك مادەنيەتىن دامىتۋعا مۇمكىندىك بەرەتىن قاجەتتى جابدىقتارمەن جاراقتالعان.
اقتوبە قالاسىنداعى №45 ورتا مەكتەپتە دە «جاس قۇتقارۋشى» مامانداندىرىلعان سىنىبى اشىلدى. جوبا وقۋشىلاردىڭ توتەنشە جاعدايلاردا ارەكەت ەتۋ داعدىلارىن دامىتۋعا باعىتتالعان. وقۋ بارىسىندا وقۋشىلار ءومىر قاۋىپسىزدىگىنىڭ نەگىزدەرىن مەڭگەرىپ, پراكتيكالىق ءبىلىم مەن داعدىلار الادى.
وسىنداي باستامالار جاۋاپتى, باتىل جانە ءومىردىڭ كەز كەلگەن جاعدايىنا دايىن ازاماتتاردى تاربيەلەۋگە, سونداي-اق جاستاردىڭ قۇتقارۋشى ماماندىعىنا تۇراقتى قىزىعۋشىلىعىن قالىپتاستىرۋعا ىقپال ەتەدى.
پرەزيدەنت توكيونىڭ توتەنشە جاعدايلار جونىندەگى احۋالدىق ورتالىعىنىڭ جۇمىسىمەن تانىستى