قاراعاندى قالاسىندا ەكىنشى دۇنيەجۇزىلىك سوعىسىنىڭ ارداگەرى الەكساندر يليچ بالاباس عاسىرلىق مەرەيتويىن اتاپ ءوتتى. قۇرمەتتى داتاعا وراي اسكەري قىزمەتشىلەر ارداگەردى ارنايى قۇتتىقتاپ, قورعانىس ءمينيسترىنىڭ حاتىن تابىستادى, دەپ جازادى Egemen.kz.
قازىبەك بي اۋدانىنىڭ قورعانىس ىستەرى جونىندەگى ءبولىمىنىڭ باستىعى, پولكوۆنيك قايرات تاتتەكەنوۆ مەرەيتوي يەسىنە قورعانىس ءمينيسترىنىڭ قۇتتىقتاۋ حاتىن تابىس ەتىپ, ونىڭ ەرلىگى مەن وتان الدىنداعى ەڭبەگىنە جوعارى باعا بەردى.
ء«سىزدىڭ ءومىر جولىڭىز – تاباندىلىقتىڭ, ەڭبەكقورلىق پەن ەلگە ادال قىزمەت ەتۋدىڭ جارقىن ۇلگىسى. وسىنداي تاعىلىمدى عۇمىردى كەيىنگى ۇرپاققا جەتكىزۋ – ماڭىزدى مىندەت», دەدى ول.
الەكساندر يليچ بالاباس 1926 جىلى دۇنيەگە كەلگەن. ەڭبەك جولىن 1942 جىلى شاحتادا سىزباشى بولىپ باستاپ, 1943 جىلى قىزىل ارميا قاتارىنا شاقىرىلعان. 1944 جىلى ول داڭقتى قولباسشى كونستانتين روكوسسوۆسكي باسقارعان 2-بەلارۋس مايدانى قۇرامىنداعى 415-اتقىشتار پولكىندە قىزمەت ەتىپ, بىرقاتار اۋىر ۇرىس قيمىلدارىنا قاتىسقان.
مايدانداعى ەرلىگى ءۇشىن ارداگەر قىزىل جۇلدىز, ءى دارەجەلى وتان سوعىسى وردەندەرىمەن جانە بىرنەشە مەدالمەن ماراپاتتالعان.
اسكەريلەر مايدانگەردى عاسىرلىق مەرەيتويىمەن قۇتتىقتادى
سوعىستان كەيىن ەلدى قالپىنا كەلتىرۋ جۇمىستارىنا بەلسەنە ارالاسىپ, قاراعاندى وڭىرىندەگى ءتۇرلى مەكەمەلەردە ۇزاق جىل ەڭبەك ەتتى. ءار جىلدارى №1 قۇرىلىس باسقارماسىندا, «سارانسكپرومستروي» ۇيىمىندا جۇرگىزۋشى, وبلىستىق كلينيكالىق اۋرۋحانادا بۋحگالتەر, «قاراعاندىۋگلەسبىت» مەكەمەسىندە ەكونوميست بولىپ قىزمەت اتقارىپ, كەيىن جوسپارلاۋ ءبولىمىن باسقارعان.
بۇگىندە عاسىر جاساعان قاريا – ۇلكەن ءارى تاتۋ وتباسىنىڭ تىرەگى. 3 بالا تاربيەلەپ وسىرگەن ارداگەردەن 4 نەمەرە, 5 شوبەرە تاراعان. ۇرپاقتارى مايدانگەر اتالارىن ءاردايىم ماقتان تۇتىپ, ونىڭ ءومىر جولىن ونەگە ەتەدى.
قوستانايدا 100 جاستاعى قارت مايدانگەر داۋىس بەردى