قوستاناي وبلىسىنىڭ ارقالىق قالاسىندا كوكتەمگى جىلىنۋ مەن قاردىڭ ەرۋىنە بايلانىستى سۋ تاسقىنىنىڭ الدىن الۋ شارالارى قارقىندى جۇرگىزىلىپ جاتىر. بۇل جۇمىستارعا ۇلتتىق ۇلاننىڭ اسكەري قىزمەتشىلەرى قۇتقارۋشىلارمەن جانە ازاماتتىق قورعاۋ ماماندارىمەن بىرلەسىپ جۇمىلدىرىلدى, دەپ جازادى Egemen.kz.
قوستانايدا ورنالاسقان 6697 اسكەري بولىمىنەن 70-كە جۋىق ۇلاندىق ارقالىققا ارنايى جىبەرىلىپ, جەرگىلىكتى اتقارۋشى ورگاندارعا كومەك كورسەتىپ جاتىر. العاشقى كۇننەن باستاپ ولار جۇكتەلگەن مىندەتتەردى جەدەل ءارى ۇيلەسىمدى ورىنداۋعا كىرىسكەن.
ەلىمىزدەگى سۋ تاسقىنى قاۋپى جوعارى وڭىرلەر بەلگىلى بولدى
قازىرگى ۋاقىتتا اسكەري قىزمەتشىلەر الدىن الۋ شارالارىنىڭ كەشەنىن جۇزەگە اسىرىپ جاتىر. اتاپ ايتقاندا, ەرىگەن سۋ جينالۋى مۇمكىن اۋماقتار تۇراقتى باقىلاۋعا الىنىپ, تاۋلىك بويى كەزەكشىلىك ۇيىمداستىرىلعان. بۇل جاعدايدىڭ كۇرت وزگەرۋىنە دەر كەزىندە ارەكەت ەتۋگە مۇمكىندىك بەرەدى.
ەلىمىزدە 1242 ەلدى مەكەندە سۋ تاسقىنى بولۋى مۇمكىن
اسىرەسە, حالىققا كومەك كورسەتۋگە باسىمدىق بەرىلگەن. «نوۆىي» اۋدانىندا ۇلاندىقتار اۋلانى قاردان تازارتۋ جۇمىستارىن جۇرگىزىپ جاتىر. بۇگىنگە دەيىن 200-دەن استام اۋلا قاردان ارشىلىپ, جۇمىس كۇشەيتىلگەن رەجيمدە جالعاسقان.
قازاقستان جولدارىندا سۋ تاسقىنى قاۋپى بار 200-دەن استام ۋچاسكە انىقتالدى