الەمنىڭ ەكىنشى راكەتكاسى, قازاقستاننىڭ ۇزدىك تەننيسشىسى ەلەنا رىباكينا اقش-تىڭ مايامي قالاسىندا ءوتىپ جاتقان Miami Open ءتۋرنيرىنىڭ شيرەك فينالىنا جولداما الدى, دەپ حابارلايدى Egemen.kz.
1/8 فينالدا ول اۋستراليالىق تاليا گيبسونعا (WTA رەيتينگىندە 68-ورىن) قارسى وينادى. ماتچ 1 ساعاتقا جۋىق ۋاقىتقا سوزىلىپ, رىباكينا 6:2, 6:2 ەسەبىمەن جەڭىسكە جەتتى.
كەلەسى كەزەڭدە ءبىزدىڭ سپورتشى امەريكالىق دجەسسيكا پەگۋلاعا (5-ورىن) قارسى وينايدى. دجەسسيكا ءوز كەزەگىندە رۋمىنيالىق جاكلين كريستياندى (36-ورىن) 6:4, 6:1 ەسەبىمەن جەڭگەن بولاتىن. كەزدەسۋ 25 ناۋرىزعا جوسپارلانعان.
رىباكينا Miami Open ءتۋرنيرىنىڭ ءۇشىنشى كەزەڭىندە ۋكراينا وكىلىن جەڭدى
ايتا كەتەيىك, رىباكينا ءتۋرنيردى ەكىنشى اينالىمنان باستاپ, العاشقى ماتچىندا قازاقستاندىق يۋليا پۋتينتسەۆانى (75-ورىن) 6:3, 6:3 ەسەبىمەن ۇتتى. ودان كەيىن ۋكراينالىق مارتا كوستيۋكتى (28-ورىن) 6:3, 6:4 ەسەبىمەن جەڭدى.
ەلەنا رىباكينا الەمنىڭ ەكىنشى راكەتكاسى اتاندى
Miami Open ءتۋرنيرى 17-28 ناۋرىز ارالىعىندا وتەدى. جالپى جۇلدە قورى شامامەن 18,8 ملن دوللاردى (9 ملرد تەڭگەدەن استام) قۇرايدى. جەكەلەي سىندا جەڭىسكە جەتكەن ويىنشىلار 1,15 ملن دوللاردان اسا سىياقى الادى.
قازىرگى ءتۋرنيردىڭ چەمپيونى – الەمنىڭ ءبىرىنشى راكەتكاسى, بەلارۋستىك ارينا سوبولەنكو.