بۇگىن تازارۋ كۇنىندە مەملەكەت باسشىسىنىڭ «تازا قازاقستان» ەكولوگيالىق باستاماسى اياسىندا بۇكىل ەل بويىنشا اۋقىمدى ەكولوگيالىق اكتسيالار باستالدى, دەپ جازادى Egemen.kz.
قازاقستانداعى ەكولوگيالىق كۇن ءتارتىبى مەملەكەتتىك ساياساتتىڭ دا, قوعامدىق كۇندەلىكتى ءومىردىڭ دە ءبىر بولىگىنە اينالىپ كەلەدى. «تازا قازاقستان» بۇكىل ەل بويىنشا مىڭداعان ازاماتتاردى بىرىكتىرەدى.
تازارۋ كۇنى: پرەزيدەنت ازاماتتاردى تازالىق پەن ءتارتىپ ەستافەتاسىنا بەلسەنە قاتىسۋعا شاقىردى
بۇگىن «جاڭارۋ كۇنى», «تازا ەل ءبىزدىڭ قولىمىزدا», «تازا قازاقستان – جاڭارعان بولاشاق», «تابيعاتقا تاعزىم» سياقتى ەكواكتسيالارى ءوتتى, سونداي-اق ء«مولدىر بۇلاق», «تازا جايىق» اكتسيالارى, «وزىڭنەن باستا», «اق نيەت تولقىنى», «تازارۋ كۇنى» دەگەن اتاۋمەن ءىس-شارالار وتكىزىلدى. اۋماقتى تازارتۋ بويىنشا وتكىزىلگەن اكتسيا قورىتىندىسى بويىنشا 2,7 توننا قوقىس جينالدى, 87 مىڭ ادام قاتىستى.
قازاقستاندىقتاردىڭ اۋقىمدى ەكولوگيالىق اكتسيالارعا قاتىسۋى تابيعاتقا قامقورلىق جاساۋ مەملەكەتتىڭ, بيزنەستىڭ جانە بارلىق ازاماتتاردىڭ ورتاق مىندەتى ەكەنىن كورسەتەدى. بۇل جەكە تازالاۋ نەمەسە ەكولوگيالىق ءىس-شارالار تۋرالى عانا ەمەس, سونىمەن قاتار تازالىق, رەسۋرستارعا ۇقىپتى قاراۋ جانە قورشاعان ورتاعا جاۋاپكەرشىلىك ءومىر ءسۇرۋ نورماسىنا اينالادى.
ەرىكتىلەر ء«مولدىر بۇلاق» ەكولوگيالىق اكتسياسىن قولداۋعا شاقىردى
بۇل قاعيداتتار كونستيتۋتسيا دەڭگەيىندە كورىنىس تاپتى جانە بەكىتىلدى, ياعني ولار ەل ءۇشىن ەرەكشە ماڭىزعا يە. ەندى تازا, قاۋىپسىز جانە اباتتاندىرىلعان ورتا – بۇل جاي عانا تىلەك ەمەس, بارلىعى ءۇشىن ماڭىزدى نۇسقاۋلىق.