قازاقستان حالىق پارتياسى 15 ناۋرىزدا وتكەن جاڭا كونستيتۋتسيا جوباسى بويىنشا رەسپۋبليكالىق رەفەرەندۋمنىڭ قورىتىندىسىنا قاتىستى رەسمي ۇندەۋ جاسادى, دەپ حابارلايدى Egemen.kz.
«قۇرمەتتى قازاقستاندىقتار! 2026 جىلعى 15 ناۋرىزدا شىن مانىندە تاريحي وقيعا بولدى. قازاقستاندىقتار رەسپۋبليكالىق رەفەرەندۋمعا بەلسەندى قاتىسىپ, ادىلەتتى قازاقستانعا جول باستايتىن حالىقتىق كونستيتۋتسيانى قولدادى. ارقايسىمىز ازاماتتىق بورىشىمىزدى ورىنداپ, پروگرەسس پەن ادىلەتتىلىكتىڭ جاڭا جولىنا داۋىس بەرۋ ارقىلى ازاماتتىق ۇستانىمىمىزدى بىلدىردىك.
جاڭا كونستيتۋتسيا قازاقستان رەسپۋبليكاسى قىزمەتىنىڭ نەگىزگى قاعيداتتارىن كەڭەيتەدى. ەندى كونستيتۋتسيالىق قۇرىلىمنىڭ نەگىزىن مىناداي قاعيداتتار قۇرايدى: ەگەمەندىك پەن تاۋەلسىزدىكتى قورعاۋ; ادام مەن ازاماتتىڭ قۇقىعى مەن بوستاندىعىن ساقتاۋ; زاڭ مەن ءتارتىپتىڭ ۇستەمدىگىن قامتاماسىز ەتۋ; جالپىۇلتتىق بىرلىكتى نىعايتۋ; حالىقتىڭ ءال-اۋقاتىن ارتتىرۋ; جاۋاپتى, جاسامپاز پاتريوتيزم يدەياسىن ىلگەرىلەتۋ; قوعامدىق ديالوگتى دامىتۋ; ەڭبەكقورلىق, پروگرەسس جانە ءبىلىم قۇندىلىقتارىن ورنىقتىرۋ; جوعارى ەكولوگيالىق مادەنيەت قالىپتاستىرۋ; تاريحي-مادەني مۇرانى ساقتاۋ; ۇلتتىق مادەنيەتتى قولداۋ. بۇل جاڭاشىلدىقتار جاڭا باعدار بەرەدى: ەندى مەملەكەت ۇدەرىستەردى باسقارۋعا عانا ەمەس, ازاماتتارعا قىزمەت ەتۋگە ءمان بەرەدى; ءبىز ماقسات پەن تىلەكتى رەسمي دەكلاراتسيالاۋدان ناقتى ناتيجەگە باعىتتالعان جۇيەلىك قايتا قۇرۋعا كوشەمىز», دەلىنگەن پارتيانىڭ ۇندەۋىندە.
جاڭا كونستيتۋتسيا بيلىكتىڭ مۇلدە جاڭا ارحيتەكتۋراسىن قالىپتاستىرادى. كونستيتۋتسيا بيلىك اۋىسقان كەزدە جۇيەلىك تاۋەكەلدەردىڭ دەڭگەيىن تومەندەتۋگە باعىتتالعان جاڭا ۆيتسە-پرەزيدەنت ينستيتۋتىن ەنگىزۋدى كوزدەيدى. ءبىر پالاتالى پارلامەنت – قۇرىلتاي قۇرىلادى, ول پروپورتسيونالدى نەگىزدە قالىپتاسادى. ءبىر پالاتالى پارلامەنتكە ارنالعان پروپورتسيونالدى سايلاۋ جۇيەسى ساياسي پارتيالاردى نىعايتۋعا جانە ولاردىڭ مەملەكەتتىك ساياساتقا ىقپالىن ارتتىرۋعا ىقپال ەتەدى. مۇنداي زاڭ شىعارۋشى ورگان ساپالىق تۇرعىدان جاڭا پارتيالىق-ساياسي پىكىرتالاس ۇدەرىسىن باستايدى. بۇل ساياسي پارتيالاردى الەۋەتتى قولداۋشىلارمەن ديالوگ ورناتۋدىڭ جاڭا ءتۇرىن بەلسەندى ىزدەۋگە, سونداي-اق ازاماتتاردىڭ الەۋمەتتىك-ەكونوميكالىق جانە مادەني سۇرانىسىن نەعۇرلىم ءدال ەسكەرۋگە ىنتالاندىرادى.
كونستيتۋتسيادا جوعارعى كونسۋلتاتيۆتىك جاڭا ورگان – حالىق كەڭەسىنە ارنالعان ءبولىم بار, ونىڭ قىزمەتى جەكە كونستيتۋتسيالىق زاڭمەن رەتتەلەدى. جاڭا ينستيتۋت ءارتۇرلى الەۋمەتتىك جانە ەتنيكالىق توپتاردىڭ مۇددەلەرىن ەركىن قالىپتاستىرۋعا جانە ايقىنداۋعا, ولاردى ۇيلەستىرۋگە جانە ەلدىڭ ىشكى ساياساتىنا ەنگىزۋگە, سونداي-اق ايماقتىق ماسەلەلەردى, ونىڭ ىشىندە زاڭ شىعارۋ باستامالارى ارقىلى شەشۋگە ىقپال ەتەدى. وسىلايشا زاڭ شىعارۋ ۇدەرىسىنە تاعى ءبىر سۋبەكت قوسىلادى, ول حالىقتىڭ «داۋىسى» بولادى.
«قازاقستان حالىق پارتياسى الەۋمەتتىك ادىلەتتىلىك يدەياسىنا ادالدىق تانىتا وتىرىپ, جاڭا كونستيتۋتسيانىڭ كىرىسپەسى مەن جالپى ەرەجەلەرىندە العاش رەت «ادىلەتتى قازاقستان» ۇعىمىنىڭ مەملەكەتتىك دامۋدىڭ ىرگەلى ولشەمى رەتىندە بەكىتىلۋى ەرەكشە ماڭىزعا يە دەپ سانايدى. ادىلەتتى قازاقستان – بۇل «زاڭ مەن ءتارتىپ» ۇستانىمىن ءسوزسىز ۇستانۋ. بۇل تەڭ مۇمكىندىك جانە كەپىلدەندىرىلگەن قۇقىق پەن بوستاندىققا يە قوعام, مۇندا مىندەت ادامنىڭ قۇقىعى مەن بوستاندىعى سياقتى ءبىر-بىرىنەن اجىراعىسىز بولادى», دەلىنگەن رەفەرەندۋمنىڭ قورىتىندىسى تۋرالى رەسمي ۇندەۋدە.
قىرعىزستان وسك توراعاسى: قازاقستانداعى رەفەرەندۋم جوعارى ازاماتتىق بەلسەندىلىكپەن ءوتتى
پارتيا وكىلدەرىنىڭ ايتۋىنشا, جاڭا كونستيتۋتسيا قازاقستاندى تىكەلەي الەۋمەتتىك مەملەكەت دەپ كورسەتەدى. مۇنداي ايقىن ۇستانىم مەملەكەتتىڭ تەك جوسپارلاپ قانا قويماي, ناقتى ارەكەت ەتەتىنىن بىلدىرەدى, ياعني قۇقىق پەن بوستاندىقتىڭ ناقتى كەپىلدىكتەرىن قامتاماسىز ەتەدى: ەڭ تومەنگى جالاقى مەن لايىقتى زەينەتاقى كەپىلدىكتەرى, ناۋقاستانىپ قالعاندا, مۇگەدەكتىك تاعايىندالعاندا نەمەسە اسىراۋشىسىنان ايىرىلعان جاعدايدا الەۋمەتتىك قورعاۋ كەپىلدىكتەرى.
«جاڭا كونستيتۋتسيا وتباسىن, انا مەن بالانى قولدايدى, قولجەتىمدى ءبىلىم بەرۋ مەن كەپىلدەندىرىلگەن مەديتسينالىق كومەك كولەمىن قامتاماسىز ەتەدى. جاڭا كونستيتۋتسيا ادامنىڭ ومىرىندەگى قيىن كەزەڭدە ونى قورعايتىن ناقتى تەتىكتەردى قالىپتاستىرادى.
جاڭا نەگىزگى زاڭ كونستيتۋتسيالىق دەڭگەيدە ازاماتتاردىڭ ەڭبەك ەتۋ قۇقىعىن بەكىتىپ, ەڭبەكتى – جوعارى قۇندىلىققا, ال جۇمىسشىلاردىڭ الەۋمەتتىك قورعالۋىن – مەملەكەتتىڭ مىندەتىنە اينالدىرادى.
ءتۇسىنۋ ماڭىزدى: دەموكراتيا مەن قۇقىقتىق مەملەكەت تولىققاندى بولۋ ءۇشىن الەۋمەتتىك نەگىز قاجەت. جاڭا كونستيتۋتسيا قۇقىقتىق مەملەكەتتىڭ دەموكراتيالىق ۇستانىمدارى مەن مەن ازاماتتاردىڭ الەۋمەتتىك كەپىلدىكتەرىنىڭ اراسىنداعى تەپە-تەڭدىكتى تولىق قامتاماسىز ەتەدى.
جاڭا نەگىزگى زاڭ حالىقتىڭ ەركىمەن ايقىندالعان ەلىمىزدىڭ جاڭا ماقساتتارى مەن مىندەتتەرىنىڭ جاڭا بەينەسىن قالىپتاستىرادى. جاڭا كونستيتۋتسيا – ادامدى, قۇقىق پەن بوستاندىقتى جانە ەلىمىزدىڭ ەگەمەندىگى مەن تاۋەلسىزدىگىن قورعاۋعا باعىتتالعاندىعىمەن ەرەكشەلەنەدى. وسىلايشا جاڭا كونستيتۋتسيا نەگىزگى زاڭنىڭ ءماتىنى مەن رۋحىن شىنايى ءومىر تالابىمەن ۇيلەستىرەدى.
جۇرگىزىلگەن كونستيتۋتسيالىق رەفورمانىڭ جانە سونىڭ ناتيجەسىندە وتكەن رەفەرەندۋمنىڭ قورىتىندىسى بويىنشا جاڭا كونستيتۋتسيانىڭ يدەيالىق شابىتتاندىرۋشىسى جانە باستاماشىسى – پرەزيدەنت قاسىم-جومارت كەمەل ۇلى توقاەۆ, ال بىرلەسكەن اۆتورى حالىق دەپ سەنىمدى تۇردە ايتۋعا بولادى. دەمەك, جاڭا كونستيتۋتسيا – حالىقتىق كونستيتۋتسيا, ال كونستيتۋتسيالىق رەفورما مەن وتكەن رەفەرەندۋم قازاقستانداعى بيلىكتىڭ قاينار كوزى – ءوزىنىڭ وتكەنىن تانىپ, بۇگىنىن تۇسىنە وتىرىپ, ەلىمىزدىڭ بولاشاقتاعى جاڭا كەلبەتى تۋرالى تاريحي دۇرىس شەشىم قابىلداعان حالىق ەكەنىن كورسەتەتىن نەگىزگى فاكتور. قازاقستان حالىق پارتياسى جاڭا كونستيتۋتسيانى قابىلداۋ بويىنشا رەفەرەندۋمنىڭ ناتيجەسىن تولىق قولدايدى جانە بارلىق قازاقستاندىقتاردى قازاقستاننىڭ ادىلەتتى جانە پروگرەسسيۆتى بولاشاعى ءۇشىن بىرىگۋگە شاقىرادى», دەلىنگەن ۇندەۋدە.
Respublica پارتياسى رەسپۋبليكالىق رەفەرەندۋم قورىتىندىسى بويىنشا مالىمدەمە قابىلدادى