سولتۇستىك قازاقستان وبلىسىندا دەنساۋلىق ساقتاۋ مينيسترلىگىنىڭ ترانسپلانتاتتاۋ جانە جوعارى تەحنولوگيالىق مەديتسينالىق قىزمەتتەردى ۇيلەستىرۋ جونىندەگى رەسپۋبليكالىق ورتالىعىنىڭ ۇيلەستىرۋىمەن دونورلىق پروتسەسس جۇرگىزىلدى, دەپ حابارلايدى Egemen.kz.
كوپبەيىندى قالالىق جەدەل مەديتسينالىق جاردەم اۋرۋحاناسىنا 1961 جىلى تۋعان ەر ادام جەدەل مي قان اينالىمىنىڭ بۇزىلۋىمەن جەتكىزىلدى.
جۇرگىزىلگەن رەانيماتسيالىق ءىس-شارالارعا قاراماستان, دارىگەرلەر ميىنىڭ ءولىمىن تىركەدى. ءتۇسىندىرۋ جۇمىستارى جۇرگىزىلگەننەن كەيىن تۋىستارى قايتىس بولعاننان كەيىنگى دونورلىققا كەلىسىم بەردى.
ترانسپلانتاتتاۋ كوماندالارى مەن سانيتاريالىق اۆياتسيانىڭ قاتىسۋىمەن اعزالار الىنىپ, ۇزاق ۋاقىت بويى رەسپۋبليكالىق كۇتۋ پاراعىندا تۇرعان پاتسيەنتتەرگە ترانسپلانتاتتاۋ كومەگى كورسەتىلدى.
ءمايىت دونورلىعىنا كەلىسىم بەرگەندەر سانى 3 ەسە ارتتى
باۋىر 51 جاستاعى باۋىر تسيرروزىمەن اۋىراتىن ەر ادامعا ترانسپلانتاتتالدى. سونداي-اق ديابەتتىك نەفروپاتيا اياسىندا دامىعان V ساتىداعى سوزىلمالى بۇيرەك اۋرۋى بار پاتسيەنتتەرگە ەكى بۇيرەك: 1986 جىلى تۋعان ايەلگە جانە 2020 جىلدان بەرى باعدارلامالىق گەمودياليزدە جۇرگەن 1978 جىلى تۋعان ەر ادامعا ترانسپلانتاتتالدى.
قازاقستاندا جىل سايىن 80 مىڭ ەم الۋشى دونورلىق قان الادى
بۇگىندە قازاقستاندا ترانسپلانتاتتاۋدى كۇتۋ پاراعىندا 4,5 مىڭنان استام پاتسيەنت بار, ولاردىڭ ەداۋىر بولىگى بۇيرەك, باۋىر جانە جۇرەك ترانسپلانتاتتاۋىن قاجەت ەتەدى. تەك وتكەن جىلدىڭ وزىندە قايتىس بولعاننان كەيىنگى دونورلاردان 18 دونورلىق پروتسەسس جۇرگىزىلىپ, ومىرلىك ماڭىزدى اعزالاردى ترانسپلانتاتتاۋ بويىنشا 68 وپەراتسيا جاسالدى. سوعان قاراماستان, جىل سايىن جۇزدەگەن پاتسيەنت ءوز كەزەگىنە جەتە الماي ومىردەن وتەدى.
دونور مەن دوتاتسيا: وڭىرلەردى وركەندەتۋ باعدارى قالاي وزگەرەدى؟
دەنساۋلىق ساقتاۋ مينيسترلىگى دونوردىڭ وتباسىنا شىنايى العىسىن بىلدىرەدى. قايعى-قاسىرەتتىڭ اۋىر ساتىندە ولار باسقا ادامداردىڭ ءومىرىن ساقتاپ قالۋعا مۇمكىندىك بەرگەن شەشىم قابىلدادى. ءدال وسىنداي قادامدار دونورلىق مادەنيەتىن قالىپتاستىرىپ, بۇگىن ترانسپلانتاتتاۋدى كۇتىپ وتىرعان ادامدارعا ءۇمىت سىيلايدى.