ۇلتتىق بانكتىڭ اقشا-كرەديت ساياساتى تۋرالى بايانداماسى – بۇگىنگى جاھاندىق دۇربەلەڭ مەن ەرتەڭگى ەكونوميكالىق بولجامنىڭ ايناسى ىسپەتتى. تاياۋ شىعىستاعى لاۋلاعان قاقتىعىس پەن الپاۋىت ەلدەردىڭ ساياسي تەكەتىرەسى الەمدىك نارىقتىڭ تامىرىن قۇبىلتقان شاقتا, قارجىلىق رەتتەۋشىمىز الداعى كەزەڭنىڭ كارتاسىن سىزىپ بەردى. سۇرانىس پەن ۇسىنىستىڭ اراسىنداعى نازىك تەپە-تەڭدىك پەن ينفلياتسيانىڭ ىزىنە تۇسكەن مەملەكەتتەردىڭ قالپى قانداي؟
تاياۋ شىعىستاعى تۇراقسىزدىق مۇناي نارىعىنا بەلگىسىزدىكتىڭ ءدانىن ەككەندەي. دەسە دە, ۇلتتىق بانكتىڭ پايىمىنشا, 2026 جىلدىڭ جارتىسىنان باستاپ قارا التىننىڭ باعاسى باررەلىنە 60 دوللار توڭىرەگىندە تۇراقتانادى دەپ كۇتىلەدى. جىلدىڭ باسىندا ۆەنەسۋەلا مەن تاياۋ شىعىستان كەلەتىن جەتكىزىلىمدەردىڭ ءۇزىلۋ قاۋپى باعانى ءبىرشاما اسقاقتاتقانىمەن, بۇل قىسىمنىڭ عۇمىرى قىسقا بولماق.
باعانىڭ تومەندەۋىنە, ەڭ الدىمەن, 2025 جىلى جينالعان مۇناي قورلارىنىڭ ءپروفيتسيتى مەن اقش, برازيليا, گايانا, ارگەنتينا جانە ساۋد ارابياسىنداعى ءوندىرىس كولەمىنىڭ ارتۋى سەپ بولماق. سۇرانىسقا كەلسەك, ول وسەدى, بىراق ءوندىرۋ قارقىنىنان باياۋ بولادى. بۇعان اقش تاريفتەرىنە بەيىمدەلۋ مەن مۇنايدىڭ ارزانداۋى وڭ اسەر ەتپەك. قىتاي ستراتەگيالىق رەزەرۆتەرىن تولتىرۋدى توقتاتپايدى, ال ءۇندىستان, تاياۋ شىعىس پەن افريكا ەلدەرى تۇتىنۋ كولەمىن ارتتىرىپ, سۇرانىسقا تىرەك بولادى.
مۇناي باعاسى 15%-عا تومەندەپ, ءبىر باررەلىنە 83 دوللاردى قۇرادى
ازىق-ت ۇلىك ارزانداپ, ىسكەرلىك بەلسەندىلىك ارتتىالەمدە ازىق-ت ۇلىك نارىعىندا باعانىڭ قۇلدىراۋى ءالى دە بايقالادى. 2026 جىلدىڭ قاڭتار ايىندا فاو يندەكسى 123,9 پۋنكتكە (-0,4% ا/ا) دەيىن تومەندەدى. اسىرەسە ءسۇت ونىمدەرى مەن قانت باعاسىنىڭ ارزانداۋى تولاستار ەمەس, ءتىپتى ەت ونىمدەرى دە سوڭعى ەكى ايدا تومەندەۋ باعىتىن ۇستانعان. ءداندى داقىلدار ءوندىرىسىنىڭ ارتۋى قىسقا مەرزىمدە باعا قىسىمىن جەڭىلدەتكەنىمەن, الداعى ۋاقىتتا قالىپتى قارقىنمەن ءوسۋى مۇمكىن.
جاھاندىق ىسكەرلىك بەلسەندىلىكتىڭ كومپوزيتتىك يندەكسى 2026 جىلدىڭ قاڭتارىندا ءوسىم جولىنا ءتۇستى. ونەركاسىپتە جاندانۋ بار, بىراق ونىڭ قارقىنى اركەلكى. كەي ەلدەردە تاريفتەر مەن بەلگىسىزدىك كەدەرگى كەلتىرسە, قىزمەت كورسەتۋ سەكتورى كەرىسىنشە تۇراقتى دامىپ, ەكونوميكالىق ءوسىمنىڭ نەگىزگى تەتىگىنە اينالىپ وتىر.
ازىق-ت ۇلىك نەگە قىمباتتاپ جاتىر؟ سەرىك جۇمانعارين باعا ءوسىمىنىڭ سەبەپتەرىن اتادى
كورشىلەر مەن الپاۋىتتاردىڭ احۋالىحالىقارالىق ۆاليۋتا قورىنىڭ بولجامىنا سۇيەنسەك, 2026 جىلى الەمدىك ەكونوميكانىڭ ءوسىمى 3,3% دەڭگەيىندە ساقتالىپ, 2027 جىلى 3,2%-عا دەيىن ءسال باياۋلايدى.
قىتاي: ەكونوميكالىق بەلسەندىلىگى كۇتكەننەن جوعارى بولعانىمەن, ىشكى سۇرانىستىڭ السىزدىگى, جىلجىمايتىن م ۇلىك نارىعىنداعى قيىندىقتار مەن حالىقتىڭ قارتايۋى سالدارىنان بىرتىندەپ باياۋلاي بەرمەك. ينفلياتسيا مۇندا 1%-دان تومەن دەڭگەيدە قالادى. ەۋرووداق: ءوسىم قالىپتى, ىشكى سۇرانىس پەن ينۆەستيتسيالاردىڭ قالپىنا كەلۋى وڭ ىقپال ەتۋدە. ينفلياتسيا 2% ماقساتتى دەڭگەيىنىڭ ماڭىندا تۇراقتايدى. رەسەي: 2025 جىلى ەكونوميكالىق ءوسىم 1,0%-عا دەيىن باۋيالادى. سانكتسيالىق قىسىم مەن مۇناي كىرىستەرىنىڭ ازايۋى رەسەي ەكونوميكاسىن ءوز الەۋەتتى دەڭگەيىندە تۇراقتانۋعا ماجبۇرلەيدى. ەڭ باستى قاۋىپ – ينفلياتسيا. قاڭتار ايىندا ققس پەن تاريفتەردىڭ ءوسۋى سالدارىنان ينفلياتسيا جىلدىق ماندە 6,0%-عا جەتتى. رەسەيدە باعانىڭ ماقساتتى دەڭگەيگە جەتۋى تەك 2027 جىلدىڭ باسىنا قاراي مۇمكىن بولادى.ينفلياتسيا: قاتاڭدىق ەمەس, يكەمدىلىك كەرەك
مونەتارلىق ساياسات: كۇتۋ ۇستانىمى مەن ساقتىقسىرتقى مونەتارلىق جاعدايلار ازىرگە وزگەرىسسىز. الەمدىك ورتالىق بانكتەر گەوساياسي تاۋەكەلدەر مەن بەلگىسىزدىككە بايلانىستى «كۇتۋ» ۇستانىمىن تاڭداپ وتىر.
اقش فرج: 2025 جىلى مولشەرلەمەنى ءۇش رەت تومەندەتكەننەن كەيىن, قازىر ونى 3,75% دەڭگەيىندە ساقتاپ تۇر. بولجام بويىنشا, الداعى ۋاقىتتا مولشەرلەمەنى ساقتىقپەن تومەندەتۋ جالعاسادى. ەۋروپالىق ورتالىق بانك: مولشەرلەمەنى 2,15% دەڭگەيىندە وزگەرتپەدى. نارىق 2026 جىلى ۇلكەن وزگەرىستەر بولا قويمايدى دەپ ەسەپتەيدى. رەسەي بانكى: 2026 جىلدىڭ اقپانىندا مولشەرلەمەنى 50 بازيستىك پۋنكتكە تومەندەتىپ, 15,5%-عا جەتكىزدى. دەمەك, الداعى وتىرىستاردا مولشەرلەمەنىڭ ودان ءارى تومەندەۋى ابدەن مۇمكىن.الدىڭعى بولجامدى راۋندپەن سالىستىرعاندا تاۋەكەل بالانسى ءبىرشاما تومەندەگەنى بايقالادى. دەسە دە, ينفلياتسيانىڭ بەلگىلەنگەن تراەكتوريادان اۋىتقۋ ىقتيمالدىعى ءالى دە جوعارى. بۇل جاعداي اقشا-نەسيە شارتتارىن ورتاشا قاتاڭ دەڭگەيدە ساقتاۋ قاجەتتىلىگىن تۋدىرىپ وتىر. رەسەيدەگى باعانىڭ بىرتىندەپ باياۋلاۋى مەن قىتايداعى ينفلياتسيالىق ديناميكانىڭ السىزدىگى سىرتقى ينفلياتسيانىڭ جەدەلدەۋ قاۋپىن سەيىلتكەندەي. ال الەمدىك مۇناي باعاسىنىڭ تومەندەۋ تاۋەكەلدەرى تاياۋ شىعىستاعى گەوساياسي شيەلەنىستىڭ كۇشەيۋىنە بايلانىستى ازايدى – جەتكىزىلىمدەردىڭ ءۇزىلۋ ىقتيمالدىعى باعا كونيۋنكتۋراسىن امالسىز دەمەپ تۇر.