ەلورداداعى ورتالىق ساياباقتا اۋقىمدى جاڭعىرتۋ جۇمىستارى باستالدى. قالا تۇرعىندارىنىڭ دەمالىس ورنى سانالاتىن جاسىل ايماق ەندى زامان تالابىنا ساي جاڭارتىلىپ, بۇرىنعىدان دا جايلى ءارى كورىكتى بولماق, دەپ جازادى Egemen.kz.
جوبا اياسىندا 15 مىڭ شارشى مەتردەن استام اۋماقتا قۇرىلىس جانە اباتتاندىرۋ جۇمىستارى جۇرگىزىلەدى. جاڭعىرتۋ «قازاقستان كۇنى» مونۋمەنتىنەن باستاپ ەسىل وزەنىنىڭ جاعالاۋىنا دەيىنگى بولىكتى قامتيدى.
ساياباقتا قۇستاردى تاماقتاندىرعاندار جاۋاپكەرشىلىككە تارتىلا ما؟
جوسپارعا سايكەس, ساياباقتاعى سىنعان تروتۋار پليتكالارى تولىقتاي اۋىستىرىلادى. سونىمەن قاتار ورىندىقتار مەن باسقا دا شاعىن ساۋلەتتىك نىساندار جوندەلىپ, جاڭارتىلادى. دەمالۋشىلاردىڭ قاۋىپسىزدىگى مەن جايلىلىعى ءۇشىن زاماناۋي جارىق شامدارى ورناتىلىپ, دەكوراتيۆتى جارىقتاندىرۋ جۇيەسى ىسكە قوسىلادى.
ينجەنەرلىك جەلىلەر مەن سۋبۇرقاق كەشەنى دە قايتا جاڭعىرتىلىپ, ساياباق ينفراقۇرىلىمى تولىق جاڭارادى. بۇل وزگەرىستەر دەمالىس ايماعىنىڭ كوركىن ارتتىرىپ قانا قويماي, ونىڭ قىزمەت ەتۋ مۇمكىندىگىن دە كەڭەيتەدى.
سەمەيدە جاڭا ساياباق اشىلدى
جاڭارتۋ جۇمىستارىنىڭ ماڭىزدى باعىتى – جاسىل جەلەكتى كوبەيتۋ. ساياباق اۋماعىنا 151-دەن استام اعاش جانە 7 973 كوپجىلدىق بۇتا وتىرعىزۋ جوسپارلانعان. بۇل كولەڭكەلى ءارى تىنىش دەمالىس ورتاسىن قالىپتاستىرىپ, سەرۋەندەۋگە قولايلى جاعداي جاسايدى.
جالپى العاندا, ورتالىق ساياباقتى جاڭارتۋ – ەلورداداعى جاسىل ايماقتاردى كوبەيتىپ, قالا تۇرعىندارى ءۇشىن جايلى ءارى قاۋىپسىز قالالىق ورتا قالىپتاستىرۋعا باعىتتالعان كەشەندى جۇمىستىڭ ءبىر بولىگى.
استانا اجارىن اشاتىن ساياباق