وتانداسىمىز, تەننيسشى ەلەنا رىباكينا اقش-تا ءوتىپ جاتقان Indian Wells Open 2026 ءتۋرنيرىنىڭ شيرەك فينالىنا شىقتى, دەپ جازادى Egemen.kz.
ءتۋرنيردىڭ 1/8 فينالىندا ەلەنا رىباكينا ۇلىبريتانيا وكىلى سوناي كارتالمەن كەزدەستى. قازاقستان تەننيسشىسى العاشقى سەتتە 6:4 ەسەبىمەن جەڭىسكە جەتتى. ەكىنشى سەتتە 4:3 ەسەبىمەن الدا كەلە جاتقان ساتتە بريتانيالىق سپورتشى كەزدەسۋدى جالعاستىرۋدان باس تارتتى.
وسىلايشا, ەلەنا رىباكينا Indian Wells Open – 2026 ءتۋرنيرىنىڭ شيرەك ءفيناليسى اتاندى, ال ونىڭ قارسىلاسى جارىستى مەرزىمىنەن بۇرىن اياقتادى.
ەلەنا رىباكينا دۋبايداعى WTA 1000 ءتۋرنيرىن ەرتە اياقتاۋعا ءماجبۇر بولدى
ەسكە سالا كەتەيىك, بۇعان دەيىن تۋرنير بارىسىندا ەلەنا رىباكينا امەريكالىق تەننيسشى حەيلي ءباپتيستتى 7:6, 2:6, 6:2 ەسەبىمەن, سونداي-اق ۋكراينالىق مارتا كوستيۋكتى 6:4, 6:4 ەسەبىمەن جەڭگەن بولاتىن.
ەلەنا رىباكينانىڭ 20 جەتىستىگى
بيىل ينديان-ۋەللس ءتۋرنيرىنىڭ جۇلدە قورى 9 415 725 دوللاردى قۇرايدى. جارىس جەڭىمپازى 1 511 380 دوللار سىياقى الىپ, رەيتينگىنە 1000 ۇپاي قوسادى.