اۋستراليادا ايەلدەر اراسىنداعى ازيا كۋبوگىنە قاتىسىپ جاتقان يران ۇلتتىق قۇراماسىنىڭ قۇرامىنداعى ءبىر ويىنشى ەلدەن باسپانا الۋ ۇسىنىسىن قابىلداماي, تۋعان ەلىنە قايتىپ بارۋعا شەشىم قابىلدادى. بۇل تۋرالى اۋستراليانىڭ ىشكى ىستەر ءمينيسترى جاريالادى, دەپ جازادى Egemen.kz.
ءمينيستردىڭ مالىمەتىنشە, 21 جاستاعى شابۋىلشى ماحديسەح زولفي مەن تەحنيكالىق قىزمەتكەر زاحرا سولتان موشكەحكار باسپانا الۋ تۋرالى ۇسىنىسقا العاشىندا كەلىسكەن. كەيىنىرەك وسى ەكەۋىنىڭ بىرەۋى شەشىمىن وزگەرتىپ, يرانعا ورالۋعا بەل بۋعان. مينيستر ونىڭ ناقتى كىم ەكەنىن اتامادى. ول اۋستراليادا اركىم ءوز ويىن وزگەرتۋگە قۇقىلى ەكەنىن اتاپ ءوتتى.
سونداي-اق مينيستر قالعان ويىنشىلار قاۋىپسىز ورىنعا جەتكىزىلگەنىن ايتتى.
ايتا كەتەيىك, زولفي مەن موشكەحكار كوماندانىڭ باسقا مۇشەلەرىنەن اۋستراليا فەدەرالدىق پوليتسياسىنىڭ كومەگىمەن سيدنەيگە ىشكى رەيسپەن ۇشار الدىندا ءبولىنىپ شىققان ەدى.
سيدنەي اۋەجايىندا قۇراما مۇشەلەرىن يران وكىلدەرى ءبولىپ تاستاعاننان كەيىن, ولارعا باسپانا الۋ جانە باسقا دا نۇسقالار تۋرالى اقپارات بەرىلگەن. الايدا اۋەجايعا جەتكەندەر يرانعا ورالۋدى تاڭداعان.
ەڭ قىمبات فۋتبولشى: «بولونيا» كلۋبى ومار مۇرادوۆتى رەكوردتىق سوماعا ساتىپ الدى
ءمينيستردىڭ ايتۋىنشا, ەلدە تۇراقتى تۇراتىندار وتباسى مۇشەلەرىن شاقىرۋ قۇقىعىنا يە بولعانىمەن, بۇل قۇقىق تەك الدىمەن يراننان شىعۋعا مۇمكىندىك بولسا عانا ەسكەرىلەتىنى ايتىلدى. كەيبىر ويىنشىلار وتباسى مۇشەلەرىمەن سويلەسىپ, اۋستراليادا قالماۋ تۋرالى شەشىم قابىلداعان.
قازىر قۇرامانىڭ كوپشىلىگى كۋالا‑لۋمپۋرعا بارىپ, ودان ءارى يرانعا قايتۋعا دايىندالىپ جاتىر. ازيا فۋتبول كونفەدەراتسياسى قۇراما مۇشەلەرىنىڭ مالايزيا استاناسىنداعى قوناق ۇيدە ەكەنىن راستادى جانە ولار ساپارلارىن جوسپارلاعانعا دەيىن بارلىق قاجەتتى قولداۋدى كورسەتەتىنىن مالىمدەدى.
يراننىڭ كۋالا‑لۋمپۋرداعى ەلشىلىگى مالايزيانىڭ مەملەكەتتىك اقپارات اگەنتتىگىنە ويىنشىلاردىڭ جاعدايى جاقسى ەكەنىن جانە «ەلگە ورالۋعا نيەتتى» ەكەنىن جەتكىزگەن.
يران قۇراماسىنىڭ تۋرنيردەگى ويىندارى اقش پەن يزرايل يرانعا اۋە سوققىلارىن جاساعان ۋاقىتتا باستالىپ, ولار جەكسەنبى كۇنى جارىستان شىعىپ قالعان.
اۋسترالياداعى يران ەميگرانتتارى بيلىككە نارازىلىق ءبىلدىرىپ, قۇرامانىڭ اۆتوبۋسى اينالاسىنا جينالعان.
ميللياردەر شۋحرات يبراگيموۆ «توبىل» فۋتبول كلۋبىن ساتىپ الدى