اۋا رايى كۇرت ناشارلادى: بىرقاتار جولدا جول اپاتى تىركەلدى

وقيعا ورنى جانە اۋا رايى

بۇگىن ساعات 10:15 شاماسىندا 148-شاقىرىمدا, قاراعاندى باعىتىندا (148-شاقىرىم تۇسىندا) وشاعاندى ماڭىندا جول-كولىك وقيعاسى بولدى. وقيعا مەزەتىندە جول ۋچاسكەسىندە قولايسىز اۋا رايى – قاردىڭ ۇيىتقىپ جاۋى, بوران, ەكپىندى جەل جانە كورىنۋ دەڭگەيىنىڭ تومەندەۋى بايقالعان.

بۇل جول ۋچاسكەسىندە قوزعالىسقا بىرقاتار شەكتەۋ الدىن الا ەنگىزىلگەن بولاتىن:

− ساعات 08:30-دا قاراعاندى وبلىسى پوليتسيا دەپارتامەنتىنەن رۇقسات ەتىلگەن جىلدامدىق 110 كم/ساعاتتان 80 كم/ساعاتقا دەيىن تومەندەتۋ تۋرالى نۇسقاما ءتۇستى, ول ساعات 09:00-دەن باستاپ كۇشىنە ەندى.− اقمولا وبلىسى اۋماعىندا اۋا رايىنىڭ كۇرت ناشارلاۋىنا بايلانىستى بارلىق كولىك قۇرالدارىنىڭ قوزعالىسىنا ۋاقىتشا شەكتەۋ ەنگىزىلدى.− قاراعاندى وبلىسىندا اۋا رايىنىڭ ناشارلاۋى شامامەن ساعات 10:00-دە بايقالا باستادى.

سقو-دا 184 جول-كولىك وقيعاسى تىركەلگەن

جول قىزمەتتەرىنىڭ ارەكەتى

وقيعا بولعان كەزدە جپۋ-89 جول پايدالانۋ ۋچاسكەسىنىڭ پاترۋلدىك تەحنيكاسى الدىن الا قاۋىپسىزدىكتى قامتاماسىز ەتۋ ءۇشىن كەزەكشىلىكتە تۇرعان.

قازىرگى ۋاقىتتا جول بويىنداعى قوزعالىستى قالپىنا كەلتىرۋ جانە قاۋىپسىزدىكتى ساقتاۋ ءۇشىن جپۋ-89 مەكەمەسىنىڭ 11 بىرلىك ارنايى تەحنيكاسى جۇمىلدىرىلعان:

− 7 بىرلىك كەشەندى جول ماشيناسى− 2 بىرلىك جول جوندەۋ قىزمەتىنىڭ تەحنيكاسى− 1 جۇك تيەگىش− 1 متز تراكتورى

جول قىزمەتتەرى جول-كولىك وقيعاسىنىڭ سالدارىن جويۋ جانە جول بويىندا قاۋىپسىز ءارى ۇزدىكسىز قوزعالىستى قامتاماسىز ەتۋ باعىتىندا جۇمىستارىن بەلسەندى جۇرگىزىپ جاتىر.

جول-كولىك وقيعاسىن ازايتۋدىڭ ءبىر شاراسى