تاياۋ شىعىستاعى شيەلەنىسكە بايلانىستى 10 ەلدەگى 11 سايلاۋ ۋچاسكەسىنىڭ جۇمىسى ۋاقىتشا توقتاتىلدى. بۇل تۋرالى سىرتقى ىستەر مينيسترلىگىنىڭ رەسمي وكىلى ەرلان جەتىباەۆ مالىمدەدى, دەپ حابارلايدى Egemen.kz.
ەرلان جەتىباەۆتىڭ ايتۋىنشا, قازاقستاننىڭ سىرتقى ىستەر مينيسترلىگىندە رەفەرەندۋم وتكىزۋ ماسەلەلەرى بويىنشا ارنايى شتاب قۇرىلعان.
«تاياۋ شىعىستاعى اسكەري-ساياسي جاعدايدىڭ شيەلەنىسۋىنە, سونداي-اق ۋكراينا مەن ەفيوپياداعى قاۋىپسىزدىك دەڭگەيىنىڭ تومەن بولۋىنا بايلانىستى 10 ەلدەگى 11 سايلاۋ ۋچاسكەسىنىڭ جۇمىسى ۋاقىتشا توقتاتىلدى. ولاردىڭ قاتارىندا قازاقستان رەسپۋبليكاسىنىڭ يران, يزرايل, يوردانيا, كاتار, بىرىككەن اراب امىرلىكتەرى, ومان, ليۆان, كۋۆەيت, ۋكراينا جانە ەفيوپياداعى ەلشىلىكتەرى جانىنداعى, سونداي-اق دۋباي قالاسىنداعى قازاقستان كونسۋلدىعى جانىنداعى ۋچاسكەلەر بار», دەدى ءسىم رەسمي وكىلى.
رەفەرەندۋم-2026: داۋىس بەرۋ ۋچاسكەسىن جسن ارقىلى قالاي تابۋعا بولادى؟
وسىلايشا رەفەرەندۋم كەزىندە 54 ەلدە 71 سايلاۋ ۋچاسكەسى جۇمىس ىستەيدى. شەتەلدەگى سايلاۋشىلاردىڭ جالپى سانى 14 230 ادامدى قۇرايدى.
رەفەرەندۋم-2026: سايلاۋ ۋچاسكەسىن eGov Mobile ارقىلى تەكسەرۋگە بولادى