ۇلىتاۋ وبلىسىنا جۇمىس ساپارى بارىسىندا ء«ادىل ءارى پروگرەسسيۆتى قازاقستان ءۇشىن حالىقتىق كونستيتۋتسيا» جالپىۇلتتىق كواليتسياسىنىڭ مۇشەلەرى جەزقازعانداعى «Kazkat» زاۋىتىنىڭ ۇجىمىمەن كەزدەسۋ وتكىزدى. كەزدەسۋدە كواليتسيا مۇشەلەرى جاڭا كونستيتۋتسيا جوباسىنىڭ نەگىزگى تۇجىرىمدارى مەن 15 ناۋرىزدا وتەتىن رەسپۋبليكالىق رەفەرەندۋمنىڭ ماڭىزدىلىعىن ءتۇسىندىردى, دەپ حابارلايدى Egemen.kz.
دەلەگاتسيانى پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا باستاپ كەلدى. سونداي-اق كەزدەسۋگە پارلامەنت ءماجىلىسىنىڭ دەپۋتاتى امانجول التاي, زاڭگەر, مەملەكەت جانە قوعام قايراتكەرى سەرىك اقىلباي, ءبىلىم جۇيەسىنىڭ وكىلى نۇرلان دۋلاتبەكوۆ جانە قوعام قايراتكەرى ابىلعازى قۇسايىنوۆ قاتىستى.
رەفەرەندۋم: تاياۋ شىعىس ەلدەرىندەگى ۋچاسكەلەر ۋاقىتشا جۇمىس ىستەمەيدى
ايدا بالاەۆا زاۋىت ۇجىمىمەن كەزدەسۋدە جاڭا كونستيتۋتسيا جوباسىنىڭ باستى ءپرينتسيپى – ادام قۇقىقتارى, بوستاندىقتارى مەن قاۋىپسىزدىگى, سونداي-اق جۇمىسشىلاردى قورعاۋ كەپىلدىكتەرىن كۇشەيتۋ ەكەنىن اتاپ ءوتتى.
«نەگىزگى وزگەرىس – ادامنىڭ قۇقىقتارى, بوستاندىقتارى مەن قاۋىپسىزدىگى. ونەركاسىپ سالاسى ءۇشىن ەڭبەك ۇجىمدارىنا تىكەلەي قاتىستى نورمالار ماڭىزدى. نەگىزگى زاڭ ەڭبەك قۇقىعىن, قاۋىپسىز جۇمىس جاعدايىن جانە ءادىل ەڭبەكاقىسىن قامتاماسىز ەتەدى. بۇل نورمالار وندىرىستىك جاراقاتتانۋدىڭ الدىن الۋعا جانە جۇمىسشىلاردىڭ دەنساۋلىعىن ساقتاۋعا باعىتتالعان. ياعني جۇمىس بەرۋشى مەن مەملەكەتتىڭ ەڭبەك جاعدايىنا جاۋاپكەرشىلىگى كونستيتۋتسيا دەڭگەيىندە بەكىتىلدى. زاڭ ۇستەمدىگى ءپرينتسيپى بار ەلدە بولجامدىلىق جوعارى, قاۋىپ از جانە بولاشاققا سەنىم كوپ. دەمەك, كاسىپورىنداردىڭ دامۋى مەن جۇمىسشىلاردىڭ وتباسىنىڭ ءال-اۋقاتى ءۇشىن مۇمكىندىكتەر ارتادى», دەدى ايدا بالاەۆا.
كەزدەسۋ بارىسىندا قاتىسۋشىلار كونستيتۋتسيالىق رەفورمانىڭ ءىرى وندىرىستىك ۇجىمدار ءۇشىن تەك ساياسي وقيعا ەمەس, سونىمەن قاتار ەڭبەك قۇقىقتارىن قورعاۋ, كاسىپورىنداردىڭ تۇراقتىلىعى جانە بولاشاققا سەنىمدىلىك ەكەنىن اتاپ ءوتتى. نەگىزگى نازار قاۋىپسىز ەڭبەك جاعدايى, ءادىل ەڭبەكاقى, زاڭ ۇستەمدىگى جانە ازاماتتىق قۇقىقتاردى قورعاۋ ماسەلەلەرىنە اۋدارىلدى.
رەفەرەندۋم-2026: سايلاۋ ۋچاسكەسىن eGov Mobile ارقىلى تەكسەرۋگە بولادى
كەزدەسۋ بارىسىندا مەملەكەتتىك-قوعامدىق, ەكسپەرتتىك جانە عىلىمي قاۋىمداستىق وكىلدەرى دە ءسوز سويلەدى. ولار جاڭا كونستيتۋتسيا جوباسىنىڭ ءمانى, ادىلەتتىلىك پەن قۇقىقتىق ۇستەمدىگىن نىعايتۋداعى ءرولى, سونداي-اق ازاماتتاردىڭ رەفەرەندۋمعا بەلسەندى قاتىسۋىنىڭ ماڭىزىن اتاپ ءوتتى.
«1995 جىلعى كونستيتۋتسيا مۇلدەم باسقا جاعدايلاردا قابىلداندى. بۇگىندە قازاقستان تۇراقتى مەملەكەتكە اينالدى. سوندىقتان جاڭا كونستيتۋتسيا كەزدەيسوق ەمەس, وزگەرگەن شىندىققا جانە دامۋدىڭ جاڭا ماقساتتارىنا جاۋاپ بەرەدى. جوبا اشىق دايىندالدى, وتاندىق عالىمدار, زاڭگەرلەر مەن مىڭداعان ازاماتتىڭ ۇسىنىستارى ەسكەرىلدى. بۇل قۇجاتتىڭ شىن مانىندە حالىقتىق سيپاتى بارىن كورسەتەدى», دەدى سەرىك اقىلباي.
زاۋىت قىزمەتكەرى التىناي الپامىسوۆا ءسوز سويلەپ, ەڭبەك ادامى مەملەكەت ءۇشىن ەڭ باستى قازىنا ەكەنىن اتاپ ءوتتى.
«جاڭا كونستيتۋتسيا ەڭبەك ادامىنا سەنىمدىلىك قانا بەرىپ قويماي, جاۋاپكەرشىلىكتى دە ارتتىرادى. قۇجاتتا ادامنىڭ ءومىرى, قۇقىقتارى مەن بوستاندىقتارى – ەڭ جوعارى قۇندىلىق دەپ كورسەتىلگەن. ءبىز ادال ەڭبەگىمىزبەن قازاقستاندى دامىتامىز, ال مەملەكەت ءبىزدىڭ قۇقىقتارىمىز بەن قاۋىپسىزدىگىمىزدى قورعاۋى ءتيىس. سوندىقتان بارشاڭىزدى رەفەرەندۋمعا قاتىسىپ, جاڭا قازاقستاندى بىرگە قۇرۋعا شاقىرامىن», دەدى التىناي الپامىسوۆا.
كەزدەسۋدىڭ قورىتىندىسىندا زاۋىت ۇجىمى كونستيتۋتسيالىق رەفورمانى قولداپ, رەسپۋبليكالىق رەفەرەندۋمعا قاتىسۋدىڭ ماڭىزدىلىعىن اتاپ ءوتتى.
رەفەرەندۋم قارساڭىنداعى قوعامدىق كوڭىل كۇي: جاڭا كونستيتۋتسياعا پىكىر قانداي؟