اقمولا وبلىسى ششۋچينسك قالاسىنداعى ءدامحانادا بولعان جارىلىستان كوز جۇمعاندار سانى ارتتى. وبلىستىق دەنساۋلىق ساقتاۋ باسقارماسىنىڭ مالىمەتىنشە, دارىگەرلەردىڭ بار كۇش-جىگەرىنە قاراماستان, اۋىر حالدە جاتقان 2 ناۋقاستىڭ ءومىرىن ساقتاپ قالۋ مۇمكىن بولماعان, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسىنىڭ باسشىسى ناريمان ەرمەكتىڭ ايتۋىنشا, 8 ناۋرىز كۇنى «اۆيتسەننا-بۋراباي» ستاتسيونارىنىڭ جانساقتاۋ بولىمىندە جاتقان ناۋقاس كوز جۇمسا, 9 ناۋرىزدا كوكشەتاۋداعى اقمولا كوپسالالى وبلىستىق اۋرۋحاناسىندا ەم الىپ جاتقان ايەل قايتىس بولعان. وسىلايشا, ششۋچينسكىدەگى جارىلىس سالدارىنان قازا تاپقاندار سانى 11 ادامعا جەتتى.
ەسكە سالايىق, 27 اقپانعا قاراعان تۇنى ششۋچينسك قالاسىنداعى «پالاۋ ورتالىعى» ءدامحاناسىندا گاز جارىلىپ, كەيىن ءورت شىققان. وقيعادان كەيىن پوليتسيا قىلمىستىق ءىس قوزعاپ, مەكەمە يەسىن ۇستادى. تەرگەۋ جۇرگىزۋ ءۇشىن ارنايى ۆەدومستۆوارالىق كوميسسيا قۇرىلدى.
ششۋچينسكتەگى جارىلىستان قايتىس بولعاندار سانى توعىزعا جەتتى
بيلىك وكىلدەرى قازا تاپقانداردىڭ وتباسىلارى مەن زارداپ شەككەندەرگە ماتەريالدىق كومەك كورسەتىلەتىنىن مالىمدەدى.
زارداپ شەككەندەردىڭ جاعدايى اۋىر جانە ورتاشا اۋىر دەپ باعالانعان.