اقش پەن ءيزرايلدىڭ تەگەراندا ورنالاسقان مۇناي ساقتاۋ نىساندارىنا جاساعان اۋە سوققىلارىنان كەيىن ەل بيلىگى جاعدايعا قاتىستى مالىمدەمە جاسادى, دەپ حابارلايدى Egemen.kz.
بۇعان دەيىن ءتورت مۇناي قويماسىنا سوققى جاسالعانى حابارلانعان ەدى. يراندىق بۇقارالىق اقپارات قۇرالدارىنىڭ مالىمەتىنشە, ەلدە مۇناي ونىمدەرىنىڭ قورى جەتكىلىكتى.
Tasnim اگەنتتىگىنىڭ جازۋىنشا, ىقتيمال شابۋىل الدىن الا بولجانعان. وسىعان بايلانىستى يراندا وتىن ساقتاۋ ورىندارىن وزگەرتۋ جانە قاۋىپسىزدىك شارالارىن كۇشەيتۋ بويىنشا الدىن الا دايىندىق جۇمىستارى جۇرگىزىلگەن.
شابۋىلداردان كەيىن يران بيلىگى قىشقىلدى جاڭبىر بولۋى مۇمكىن ەكەنىن ەسكەرتتى.
ال باحرەين ىشكى ىستەر مينيسترلىگى ۇشقىشسىز ۇشۋ اپپاراتى ەلدەگى تەڭىز سۋىن تۇششىتۋ قوندىرعىسىنا سوققى جاساعانىن حابارلادى. دەگەنمەن, باحرەيننىڭ سۋ رەسۋرستارىن باسقارۋ مەكەمەسىنىڭ مالىمەتىنشە, بۇل جاعداي ەلدەگى سۋمەن قامتۋ جۇيەسىنە اسەر ەتپەگەن.
The New York Times باسىلىمىنىڭ دەرەگىنە سايكەس, قاقتىعىس باستالعالى بەرى اقش-تا بەنزيننىڭ ورتاشا باعاسى 16 پايىزعا وسكەن. ەل بويىنشا ورتاشا باعا 2024 جىلدىڭ تامىز ايىنىڭ باسىنان بەرى مۇنداي دەڭگەيگە جەتپەگەن.
سونىمەن قاتار Axios باسىلىمى اقش پەن يزرايل قاقتىعىستىڭ كەيىنگى كەزەڭىندە يرانداعى جوعارى دەڭگەيدە بايىتىلعان ۋران قورىن قولعا ءتۇسىرۋ ءۇشىن ارنايى كۇشتەر جىبەرۋ مۇمكىندىگىن تالقىلاعانىن حابارلادى.
اقش يرانداعى مەكتەپكە جاسالعان سوققىعا قاتىسى بار ەكەنىن مويىندادى
يراننىڭ قىزىل جارتى اي قوعامىنىڭ مالىمەتىنشە, اقش پەن يزرايل جاساعان اۋە سوققىلارى سالدارىنان شامامەن 9700 ازاماتتىق نىسانعا ەلەۋلى زاقىم كەلگەن. ونىڭ ىشىندە 8 مىڭعا جۋىق نىسان تۇرعىن ۇيلەر ەكەنى ايتىلدى.
ترامپ يراننىڭ كەلەسى كوشباسشىسىن تاڭداۋعا قاتىسقىسى كەلەتىنىن ايتتى