الماتى حالىقارالىق اۋەجايىنا Flight 251 ەۆاكۋاتسيالىق رەيسى قونىپ, 167 قازاقستان ازاماتىن ەلگە ورالدى, دەپ حابارلايدى Egemen.kz.
جولاۋشىلاردى اۋەجايدا تۋعان-تۋىستارى مەن جاقىندارى قارسى الدى. الماتى قالالىق وڭىرلىك كوممۋنيكاتسيالار قىزمەتىنىڭ مالىمەتىنشە, بۇل رەيس قازاقستاندىقتار ءۇشىن جاي عانا ۇيگە ورالۋ ەمەس, مەملەكەت تاراپىنان ازاماتتارعا كورسەتىلگەن قامقورلىق پەن قولداۋدىڭ ايقىن بەلگىسى بولدى.
ەلگە ورالعان جولاۋشىلار ەۆاكۋاتسيانى ۇيىمداستىرىپ, ولاردىڭ وتانعا امان-ەسەن جەتۋىنە جاعداي جاساعانى ءۇشىن ەل باسشىلىعىنا العىس سوزدەرىن ءبىلدىردى.
دۋباي قالاسىنان 306 جولاۋشى ەلگە ورالدى
«قيىن جاعدايدا ءبىزدى جالعىز قالدىرماعانى ءۇشىن مەملەكەتىمىزگە ريزامىز. ءبىزدى ەلگە قايتارۋعا كومەكتەسكەن پرەزيدەنتكە جانە سىرتقى ىستەر مينيسترلىگىنىڭ قىزمەتكەرلەرىنە راحمەت. بۇل ءبىز ءۇشىن ۇلكەن قولداۋ بولدى», دەدى ەلگە ورالعان جولاۋشىلار.
قازاقستاندىقتاردىڭ ايتۋىنشا, ەۆاكۋاتسيا پروتسەسى جەدەل ءارى ۇيلەسىمدى ۇيىمداستىرىلعان. ديپلوماتيالىق قىزمەت وكىلدەرى ازاماتتارمەن تۇراقتى بايلانىستا بولىپ, قۇجاتتاردى راسىمدەۋگە كومەكتەسىپ, ۇشۋدى ۇيلەستىرىپ وتىرعان.