پەتروپاۆل سوتىندا بۇرىنعى سۋديالارعا قاتىستى قىلمىستىق ءىس بويىنشا ۇكىم شىقتى. سوتتالعانداردىڭ قاتارىندا سولتۇستىك قازاقستان وبلىسى مامانداندىرىلعان اۋدانارالىق ەكونوميكالىق سوتىنىڭ بۇرىنعى توراعاسى بەكبول بايماحانوۆ پەن پەتروپاۆل قالاسى №2 سوتىنىڭ ەكس-توراعاسى ەرلان يبراەۆ بار. سونىمەن بىرگە الماتىلىق زاڭگەر ارتەم يۆانوۆ جانە وڭىرگە بەلگىلى ەكى كاسىپكەر دە جازاعا تارتىلدى, دەپ حابارلايدى Egemen.kz.
تەرگەۋ جۇمىستارى جەرگە قاتىستى داۋلى ءىس قارالعاننان كەيىن باستالعانى ايتىلدى.
سوت شەشىمىنە سايكەس, بەكبول بايماحانوۆ قىلمىستىق كودەكستىڭ 24-بابى 3-بولىگى جانە 190-بابى 4-بولىگى 2-تارماعى (الاياقتىققا وقتالۋ), سونداي-اق 190-بابى 3-بولىگى 2-تارماعى بويىنشا كىنالى دەپ تانىلىپ, 8 جىلعا باس بوستاندىعىنان ايىرىلدى. ودان مەملەكەت پايداسىنا 1,2 ملن تەڭگە وندىرىلەتىن بولدى.
ءىس ماتەريالدارى بارىسىندا بايماحانوۆتىڭ جۇمىس كابينەتىندە 15 مىڭ دوللار (شامامەن 7,4 ملن تەڭگە) جانە 466 مىڭ تەڭگە تابىلعان. بۇل قاراجات مەملەكەت قورىنا اۋدارىلادى.
وسكەمەن اۋەجايىنىڭ بۇرىنعى باسشىسى 8 جىلعا سوتتالدى
ال بۇرىنعى سۋديا ەرلان يبراەۆ قىلمىستىق كودەكستىڭ 190-بابى 3-بولىگى 2-تارماعى بويىنشا كىنالى دەپ تانىلىپ, 6 جىلعا سوتتالدى, مەملەكەتكە 2,2 ملن تەڭگە قايتارۋ مىندەتتەلدى.
سونىمەن قاتار گاملەت مەلكونيان – 4 جىلعا, ال گەۆورگ پوگوسيان – 3,5 جىلعا باس بوستاندىعىنان ايىرىلدى.
اقپارات كوزدەرىنە سۇيەنسەك, سۋديا وڭ شەشىم شىعارۋ ءۇشىن 50 مىڭ دوللار پارا الۋدى جوسپارلاعان بولۋى مۇمكىن. كابينەتتەن تابىلعان 15 مىڭ دوللار سول سومانىڭ ءبىر بولىگى رەتىندە قاراستىرىلىپ وتىر.
ارام اقشاعا قۇنىققان الاياق التى جىلعا سوتتالدى