قاسىم-جومارت توقاەۆتىڭ تاپسىرماسىمەن ماۋلەن اشىمباەۆ يراننىڭ قازاقستانداعى ەلشىلىگىنە بارىپ, قايعىلى وقيعالار سالدارىنان اتالعان ەلدىڭ رۋحاني كوشباسشىسىنىڭ جانە بەيبىت تۇرعىنداردىڭ قايتىس بولۋىنا بايلانىستى يران حالقىنا كوڭىل ايتتى, دەپ حابارلايدى Egemen.kz.
ءوز سوزىندە ول قايعىلى وقيعانى اۋىر قابىلداعانىن جەتكىزىپ, قازاقستان پرەزيدەنتى, حالقى جانە پارلامەنتى اتىنان يران حالقىنا جانە قازا تاپقانداردىڭ تۋعان-تۋىستارىنا قايعىرىپ كوڭىل ايتتى.
سونداي-اق ول حالىقارالىق قاقتىعىستار تەك ديپلوماتيالىق جولمەن, بىرىككەن ۇلتتار ۇيىمى جارعىسى مەن حالىقارالىق قۇقىق نورمالارى نەگىزىندە شەشىلۋى ءتيىس ەكەنىن اتاپ ءوتتى. قارۋلى قاقتىعىستار كەزىندە بەيبىت تۇرعىندار مەن ازاماتتىق نىسانداردى قورعاۋ باستى باسىمدىق بولۋى كەرەكتىگىنە توقتالدى.
يران پرەزيدەنتى كورشى ەلدەرگە ۇندەۋ جاسادى
قازاقستان جاھاندىق دەڭگەيدەگى بەيبىت باستامالاردى قولدايتىنىن جەتكىزىپ, كەز كەلگەن شيەلەنىستى ديالوگ پەن كەلىسسوز ارقىلى رەتتەۋدىڭ ماڭىزدىلىعىن اتاپ ءوتتى. سونىمەن قاتار جاعدايدىڭ تەز تۇراقتانىپ, جانجالدىڭ بەيبىت جولمەن شەشىلۋىنە ءۇمىت ءبىلدىردى.
«يرانداعى قايعىلى وقيعالار سالدارىنان يران يسلام رەسپۋبليكاسىنىڭ رۋحاني كوشباسشىسى اياتوللا سەيەد ءالي حامەنەي مەن ەلدىڭ باسشىلىق وكىلدەرىنىڭ, سونداي-اق, بەيبىت تۇرعىنداردىڭ, ونىڭ ىشىندە بالالاردىڭ قازا بولعانى تۋرالى سۋىت حاباردى اۋىر كۇيزەلىسپەن قابىلدادىق. وسىعان بايلانىستى قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆتىڭ, قازاقستان حالقىنىڭ جانە پارلامەنتتىڭ اتىنان بارشا يران حالقىنا جانە قازا تاپقانداردىڭ تۋعان-تۋىستارىنا قايعىرا كوڭىل ايتامىز. مەملەكەت باسشىسى حالىقارالىق داۋ-جانجالدار مەن شيەلەنىستەردى تەك ساياسي-ديپلوماتيالىق جولمەن جانە بۇۇ جارعىسى مەن حالىقارالىق قۇقىقتىق نورمالارى اياسىندا شەشۋ قاجەت ەكەنىن ۇنەمى ايتىپ كەلەدى. قارۋلى قاقتىعىستار كەزىندە بەيبىت حالىق پەن ازاماتتىق نىسانداردى قورعاۋ باستى مىندەتتەردىڭ ءبىرى ەكەنى انىق. قازاقستان بۇل باعىتتاعى جاھاندىق باستامالاردى قولداي وتىرىپ, كەز كەلگەن جاعدايدا ادامگەرشىلىك قاعيداتتارعا تابان تىرەۋ جانە حالىقارالىق شيەلەنىستەر مەن قاقتىعىستاردى ديالوگ پەن كەلىسسوزدەر ارقىلى شەشۋ كەرەكتىگىن ەرەكشە اتاپ وتەدى. جاعداي تەزىرەك تۇراقتالىپ, جانجال رەتتەلەدى دەپ ۇمىتتەنەمىز», دەدى ماۋلەن اشىمباەۆ.
اڭگىمە بارىسىندا يراننىڭ قازاقستاننىڭ جاقىن سەرىكتەستەرىنىڭ ءبىرى ەكەنى ايتىلىپ, قازاقستان تاراپىنىڭ قاقتىعىستى بەيبىت رەتتەۋگە ىقپال ەتۋگە دايىن ەكەنى دە اتاپ ءوتىلدى.
يراننىڭ درونى ازەربايجان اۋماعىنا قۇلادى: شەكاراعا اسكەر توپتاستىرىلىپ جاتىر
ەسكە سالا كەتەيىك, يزرايل 28 اقپان, سەنبى كۇنى تاڭەرتەڭ يرانعا سوققى جاسادى. اقش پرەزيدەنتى يرانعا قارسى اسكەري وپەراتسيانىڭ كۇشەيە تۇسەتىنىن مالىمدەپ, وڭىردەگى جاعدايدىڭ كۇتپەگەن باعىتتا وربىگەنىن ايتتى.