ميحايل شايدوروۆ ميلاندا وليمپيادا تاريحىنداعى ەڭ جوعارعى باعالاۋ كورسەتكىشىنە قول جەتكىزدى, دەپ جازادى Egemen.kz.
وتانداسىمىز ححV قىسقى وليمپيادانىڭ ەركىن باعدارلاماسىندا ۇشتىك اكسەل – ويلەر – تورتتىك اكسەل كاسكادىن ورىنداپ, ەلەمەنت ءۇشىن – 21,39 ۇپاي الدى. بۇل جاڭا تورەشىلىك جۇيەسى ەنگىزىلگەننەن بەرگى وليمپيادا ويىندارىنداعى ەڭ جوعارى باعالانعان سەكىرۋ ەلەمەنتى بولىپ وتىر.
بۇعان دەيىن وليمپياداداعى سەكىرۋ ەلەمەنتى ءۇشىن ەڭ جوعارى ۇپاي نەيتان چەنگە تيەسىلى بولعان. ول 2022 جىلعى بەيجىڭ قىسقى وليمپياداسىنىڭ جەڭىمپازى اتانعان.
نادەجدا پارەتسكايا داۋى: ءبىزدىڭ تورەشى شايدوروۆ پەن سامودەلكينانىڭ ونەرىن ادەيى تومەن باعالادى ما؟
ميحايل شايدوروۆ – الەمدە ۇشتىك اكسەل – ويلەر – تورتتىك اكسەل كاسكادىن ورىنداي الاتىن جالعىز مانەرلەپ سىرعاناۋشى. سونىمەن قاتار, 2024 جىلى ول تاريحتا العاش رەت ۇشتىك اكسەل – تورتتىك تۋلۋپ كاسكادىن ءساتتى ورىنداعان سپورتشى رەتىندە تىركەلدى.
ايتا كەتەيىك, قازىرگى تورەشىلىك جۇيەسى مانەرلەپ سىرعاناۋدا 20 جىلدان استام ۋاقىت بويى قولدانىلىپ كەلەدى. جاڭا ەرەجەلەر بويىنشا جارىستار العاش رەت 2006 جىلعى تۋرين قىسقى وليمپياداسىندا ءوتتى. بۇعان دەيىن بۇل سپورت تۇرىندە التى بالدىق باعالاۋ جۇيەسى قولدانىلعان.
مۇز ايدىنىنداعى جاڭا ءۇمىت: مانەرلەپ سىرعاناۋشى دياس جيرەنباەۆ تۋرالى نە بىلەمىز؟