قاراعاندى. 13 مامىر. قاراعاندى وبلىسى عابيدەن مۇستافين اتىنداعى كەنت پەن نۇرا ستانتسياسىنىڭ تۇرعىندارى مەكتەپ جاسىنا دەيىنگى مەكەمەلەردە تاربيەلەنەتىن بۇلدىرشىندەرى ءۇشىن تولەماقىدان بوساتىلدى. بۇل تۋرالى egemen.kz ءتىلشىسى حابارلادى.
مۇنداي قامقورلىق كوكتەمگى تابيعات اپاتىنان زارداپ شەككەندەرگە جاعدايلارى ەسكەرىلىپ جاسالۋدا. سەل شايعان ۇيلەردىڭ ورنىنا جاڭالارى سالىنىپ بىتكەنشە جەرگىلىكتى 90-عا تارتا بالدىرعاننىڭ اتا-انالارىنا سالماق تۇسپەيتىن بولدى. ولاردىڭ شىعىندارىن دەمەۋشىلەر كوتەرەتىن بولدى.
سونداي-اق, مەكتەپ وقۋشىلارى دا قامقورلىقتان تىس قالعان جوق. مامىر مەرەكەلەرىندە 170 بالا بۋرابايدا دەمالدى. وقۋ جىلى اياقتالىسىمەن 110-ى وقۋشى جازعى لاگەر قىزىعىنا بولەنەدى.
ايقىن نەسىپباي.
دەرەك: egemen.kz.
سۋرەت: nv.kz.