ەلوردا قۇتقارۋشىلارى ءورتتىڭ الدىن الۋ جانە ءورت قاۋىپسىزدىگى دەڭگەيىن ارتتىرۋ ماقساتىندا قوعامدىق تاماقتانۋ نىساندارىندا پروفيلاكتيكالىق رەيدتىك ءىس-شارالار وتكىزىپ جاتىر, دەپ جازادى Egemen.kz.
رەيد بارىسىندا دۇڭگىرشەكتەر, پاۆيلوندار, فاستفۋد, دونەر ساتاتىن ورىندار سىندى قوعامدىق تاماقتانۋ ورىندارى تەكسەرىلگەن.
جۇرگىزىلگەن 320 رەيدتىك ءىس-شارانىڭ ناتيجەسىندە تەز تاماقتانۋعا ارنالعان 426 نىسان انىقتالعان. ونىڭ ىشىندە 78 پاۆيلوننىڭ ارنايى رۇقسات قۇجاتتارى مەن كەلىسىمشارتتارى جوق بولىپ شىققان. اتالعان كاسىپ يەلەرىنە ءتۇسىندىرۋ جۇرگىزىلىپ, ناتيجەسىندە زاڭسىز ورناتىلعان پاۆيلوندار بۇزىلعان. تاعى التاۋى عيماراتتاردىڭ الدىڭعى بولىگىنەن ارتقى جاعىنا كوشىرىلگەن.
قوستاناي وبلىسىندا ءورت قاۋىپسىزدىگى ايلىعى باستالدى
سونداي-اق تەكسەرۋ بارىسىندا كاسىپكەرلەرگە ءورت قاۋىپسىزدىگى تالاپتارىن ساقتاۋ شارالارى تۇسىندىرىلگەن. سونىمەن قاتار ءاربىر كاسىپكەرگە ءورت قاۋىپسىزدىگىنىڭ نەگىزگى تالاپتارى مەن ءورت تۋىنداعان جاعدايدا ارەكەت ەتۋ الگوريتمى كورسەتىلگەن اقپاراتتىق حاتتار (جادىنامالار) تابىستالدى.
الماتىدا ءورت قاۋىپسىزدىگى كۇشەيتىلدى: جەكە ۇيلەرگە قۇتقارۋ داتچيكتەرى ورناتىلىپ جاتىر
ماماندار بۇل باعىتتاعى جۇمىس جالعاسىپ جاتقانىن جانە تۇراقتى باقىلاناتىنىن اتاپ ءوتتى.