ششۋچينسك قالاسىنداعى «پالاۋ ورتالىعى» ءدامحاناسىنىڭ يەسى قاماۋعا الىندى. بۇل تۋرالى اقمولا وبلىسىنىڭ پروكۋراتۋراسى مالىمدەدى, دەپ حابارلايدى Egemen.kz.
اتالعان نىساندا بولعان ءورت بويىنشا قىلمىستىق ءىس قوزعالدى. تەرگەۋ قىلمىستىق كودەكستىڭ 292-بابى 3-بولىگى «ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان ءورت قاۋىپسىزدىگى تالاپتارىن بۇزۋ» بويىنشا جۇرگىزىلىپ جاتىر.
ۆەدومستۆو مالىمەتىنشە, ءىستى ارنايى پروكۋرورلار تەرگەپ جاتىر. 2026 جىلعى 2 ناۋرىزدا قىلمىستىق ءىس جۇرگىزۋ كودەكسىنىڭ 128-بابىنا سايكەس ءدامحانا يەسى ۇستالعان.
ششۋچينسكتەگى جارىلىستان قازا تاپقانداردىڭ وتباسىنا 2 ملن تەڭگە بەرىلەدى
تەرگەۋ بارىسى باس پروكۋراتۋرانىڭ ەرەكشە باقىلاۋىندا. قىلمىستىق ءىس جۇرگىزۋ كودەكسىنىڭ 201-بابى 1-بولىگىنە سايكەس, وزگە مالىمەتتەر جاريا ەتىلمەيدى.
ەسكە سالايىق, 27 اقپانعا قاراعان ءتۇنى اقمولا وبلىسىنىڭ ششۋچينسك قالاسىندا تۇرعىن ءۇي عيماراتىندا ورنالاسقان ءدامحانادا گاز جارىلىسى بولعان. وقيعا سالدارىنان سەگىز ادام كوز جۇمىپ, تاعى جەتى ادام اۋىر جاعدايدا اۋرۋحاناعا جەتكىزىلدى.