قارجىلىق ءال-اۋقاتتى ارتتىرۋ كۇردەلى ينۆەستيتسيالىق قۇرالداردان ەمەس, قاراپايىم تارتىپتەن باستالۋى مۇمكىن. ەكونوميست رۋسلان سۇلتانوۆ تابىستىڭ كەمىندە 10 پايىزىن الدىمەن وزىڭىزگە ءبولىپ وتىرۋ قاعيداسىن ۇسىنادى. بۇل ۇستانىم ەجەلگى ۆاۆيلون داۋىرىندەگى باي ساۋداگەر اركادتىڭ سوزىمەن ساباقتاس. «تاپقان تابىسىڭنىڭ ءبىر بولىگى ساعان تيەسىلى, ونى ءوزىڭ ءۇشىن ساقتاۋعا مىندەتتىسىڭ» دەگەن قاعيدا بۇگىن دە وزەكتى, دەپ جازادى Egemen.kz.
ساراپشىنىڭ ايتۋىنشا, 10 پايىز مولشەرى كەزدەيسوق تاڭدالماعان. تومەن ۇلەس ايتارلىقتاي ناتيجە بەرمەيدى, ال جوعارى ۇلەس كوپشىلىككە باستاپقى كەزەڭدە اۋىر تيەدى. ماسەلەن, ايلىق تابىس 300 مىڭ تەڭگە بولسا, ونىڭ 30 مىڭ تەڭگەسىن تابىس تۇسكەن كۇنى بولەك شوتقا اۋدارۋ ۇسىنىلادى. قالعان شىعىندار سودان كەيىن جوسپارلانۋعا ءتيىس. بۇل ءتاسىل ادامنىڭ شىعىن قۇرىلىمىن قايتا قاراۋعا جانە تابىستى باسقارۋعا ۇيرەتەدى.
قارجىلىق ساۋات – ۋاقىت تالابى
«تابىسى 420 مىڭ تەڭگە بولاتىن ازامات 6 اي ىشىندە 10 پايىزدىق قاعيدانى ساقتاي وتىرىپ, 252 مىڭ تەڭگە جيناقتاعان. ونىڭ 80 مىڭ تەڭگەسىن 12 پايىزدىق مولشەرلەمەمەن دەپوزيتكە ورنالاستىرىپ, پاسسيۆ تابىس الا باستاعان. ناتيجەسىندە قارجىلىق سەنىم كۇشەيىپ, اي سوڭىنداعى تۇراقسىزدىق ازايعان. قاراپايىم ەسەپكە سۇيەنسەك, ايىنا 400 مىڭ تەڭگە تابىس كەزىندە 10 پايىزى 40 مىڭ تەڭگەنى قۇرايدى. 12 ايدا 480 مىڭ تەڭگە جينالادى. ەگەر بۇل قاراجات 10 پايىزدىق جىلدىق تابىستىلىقپەن ينۆەستيتسيالانسا, قوسىمشا 48 مىڭ تەڭگە كىرىس اكەلەدى. 5 جىل ىشىندە پايىزدى قايتا ينۆەستيتسيالاۋ ارقىلى كاپيتال 3 ملن تەڭگەدەن اسادى. ءسىز وزىڭىزگە ءبىرىنشى تولەم جاسامايىنشا بايىمايسىز. بۇل ۆاۆيلوندا دا, XIX عاسىرداعى لوندوندا دا, قازىرگى قازاقستاندا دا جۇمىس ىستەيتىن زاڭ», دەيدى ەكونوميست.
بالالارعا قارجىلىق ساۋاتتىلىقتى ۇيرەتەتىن مۋلتفيلم شىعارىلدى
ساراپشى بۇل قاعيدانى ەنگىزۋ ءۇشىن بولەك شوت اشىپ, قاراجاتتى تابىس تۇسكەن كۇنى اۋدارۋدى, ونى كۇندەلىكتى شىعىنعا جۇمساماۋدى جانە اي سايىن جيناق كولەمىن ەسەپكە الۋدى ۇسىنادى. ونىڭ پىكىرىنشە, ءدال وسى قاراپايىم ءتارتىپ ۇزاق مەرزىمدى قارجىلىق تۇراقتىلىقتىڭ نەگىزىن قالايدى.
قازاقستاندا قارىز الۋشىنىڭ قارجىلىق جۇكتەمەسىن ەسەپتەۋدىڭ جاڭا ءتاسىلى ەنگىزىلەدى