دۋبايدىڭ جەر دەپارتامەنتى بىرىككەن اراب امىرلىكتەرىندە تۇرۋعا رۇقسات الۋ ەرەجەلەرىن جەڭىلدەتتى. ەندى جىلجىمايتىن م ۇلىك يەلەرى ءۇشىن ينۆەستيتسيانىڭ ەڭ تومەنگى سوماسىنا قاتىستى تالاپ وزگەردى, دەپ حابارلايدى Egemen.kz.
جاڭا ەرەجەلەرگە سايكەس, ەگەر ازامات دۋبايداعى جىلجىمايتىن م ۇلىكتىڭ جالعىز يەسى بولسا, ول ينۆەستيتسيا كولەمىنە قاراماستان ەكى جىلعا تۇرۋعا رۇقسات الۋعا ءوتىنىم بەرۋگە قۇقىلى. ال ەگەر نىساننىڭ بىرنەشە يەسى بولسا, ءاربىر يەسىنىڭ ۇلەسى كەمىندە 400 مىڭ ديرحامدى (شامامەن 109 مىڭ دوللار) قۇراۋى ءتيىس.
بۇعان دەيىن دۋبايدا تۇرۋعا رۇقسات الۋ ءۇشىن ساتىپ الىناتىن تۇرعىن ءۇيدىڭ ەڭ تومەنگى قۇنى 750 مىڭ ديرحامنان (204 مىڭ دوللار) كەم بولماۋى كەرەك بولاتىن. وسىلايشا, شەكتى مولشەر ەكى ەسەگە جۋىق قىسقاردى.
دۋبايعا جول اشىلدى: بىرىككەن اراب امىرلىكتەرى اۋە كەڭىستىگىن تولىعىمەن اشتى
ايتا كەتەيىك, دۋبايداعى ەليتالىق جىلجىمايتىن م ۇلىك نارىعى رەكوردتىق كورسەتكىشتەردى كورسەتىپ وتىر. Bloomberg اگەنتتىگىنىڭ دەرەگىنشە, 2025 جىلدىڭ ەكىنشى توقسانىندا جالپى قۇنى 2,6 ميلليارد دوللاردى قۇرايتىن 143 كەلىسىمشارت جاسالعان. بۇل وتكەن جىلدىڭ سايكەس كەزەڭىمەن سالىستىرعاندا 52 پايىزعا جوعارى. ساتىلعان نىسانداردىڭ ىشىندە 22 ءۇيدىڭ قۇنى 25 ميلليون دوللاردان اسقان.