الماتى وبلىسىنىڭ قاراساي جانە ۇيعىر اۋداندارىندا مال ۇرلىعىمەن اينالىسقان ەكى قىلمىستىق توپ ۇستالدى. كۇدىكتىلەر ەركىن جايىلىمداعى جۇزدەن استام مالدى جۇك كولىكتەرىمەن تاسىپ اكەتىپ وتىرعان, دەپ حابارلايدى Egemen.kz.
تەرگەۋ بارىسىندا انىقتالعانداي, قاسكويلەر الدىن الا دايىندالعان جوسپار بويىنشا ارەكەت ەتكەن. ۇرلانعان مال كورشى اۋداندارعا تاسىمالدانىپ, جەرگىلىكتى تۇرعىندارعا ساتىلىپ كەلگەن.
17 جىل مال باققان شوپان كۇدىككە ءىلىندى: جەتىسۋ وبلىسىندا ءىرى كولەمدەگى مال ۇرلىعى اشىلدى
قازىرگى ۋاقىتتا ۇستالعانداردىڭ جالپى قۇنى 7 ميلليون تەڭگەدەن اساتىن 69 باس ۇساق ءمۇيىزدى مالدى جانە قۇنى 20 ميلليون تەڭگەگە جۋىق 43 باس ءىرى قارانى ۇرلاۋعا قاتىسى بارى دالەلدەندى. بارلىق كۇدىكتىلەر قاماۋعا الىنعان.
مال ۇرلىعى تىيىلماي تۇر
ىشكى ىستەر مينيسترلىگى مال ۇرلىعى ءۇشىن مۇلكىن تاركىلەي وتىرىپ, 12 جىلعا دەيىن باس بوستاندىعىنان ايىرۋ جازاسى قاراستىرىلعانىن ەسكەرتەدى. سونداي-اق مال يەلەرىنە جايىلىمدى باقىلاۋسىز قالدىرماۋعا كەڭەس بەرەدى.