2026 جىلدان باستاپ قازاقستاندا مەديتسينالىق ءبىلىم بەرۋ جۇيەسى تۇبەگەيلى جاڭا مودەلگە كوشەدى. دەنساۋلىق ساقتاۋ ءمينيسترى اقمارال ءالنازاروۆا بۇل رەفورمانىڭ باستى ەرەكشەلىكتەرى مەن ستۋدەنتتەر ءۇشىن اشاتىن جاڭا مۇمكىندىكتەرىن ءتۇسىندىرىپ بەردى, دەپ حابارلايدى Egemen.kz.
ءمينيستردىڭ ايتۋىنشا, جاڭا جۇيە دارىگەرلەردى دايارلاۋ ساپاسىن ارتتىرۋعا جانە ولاردىڭ پراكتيكالىق داعدىلارىن جەتىلدىرۋگە باعىتتالعان.
2026 جىلدان باستاپ وقۋعا تۇسەتىندەر ءۇشىن نە وزگەرەدى؟جاڭا مودەل بويىنشا وقۋ مەرزىمى 6 جىل (ۋنيۆەرسيتەتتە) + 1 جىل ينتەرناتۋرانى قۇرايدى. وقۋدى اياقتاعان تۇلەكتەر ديپلوم الىپ, بىردەن ەكى باعىتتىڭ ءبىرىن تاڭداي الادى:
دارىگەر رەتىندە جۇمىسىن باستاۋ (تەك ەمحانالاردا عانا ەمەس, ستاتسيونار دەڭگەيىندە دە جۇمىس ىستەۋگە رۇقسات بەرىلەدى); رەزيدەنتۋرادا وقۋىن جالعاستىرۋ.سونىمەن قاتار جۇيەگە «دارىگەر-ينتەرن» مارتەبەسى ەنگىزىلەدى. ول ستۋدەنت ەمەس, ناقتى جاۋاپكەرشىلىگى مەن پراكتيكالىق داعدىلارى بار مامان رەتىندە قاراستىرىلادى. ايتا كەتەرلىگى, بۇل جۇيەنىڭ العاشقى تۇلەكتەرى 2033 جىلى شىعادى.
دەپۋتاتتار مەديتسينالىق ءبىلىم بەرۋ جۇيەسىن 7 جىلعا دەيىن ۇزارتۋدى ۇسىندى
قازىرگى ستۋدەنتتەردىڭ جاعدايى قالاي بولماق؟مينيسترلىك قازىرگى ۋاقىتتا ءبىلىم الىپ جاتقان ستۋدەنتتەر ءۇشىن وقۋ شارتتارى مەن مانساپتىق تراەكتوريانىڭ ساقتالاتىنىن ناقتىلادى:
2021 جىلى وقۋعا تۇسكەندەر بۇرىنعى جۇيەمەن ءبىلىم الادى. 2027 جىلى وقۋ بىتىرگەن سوڭ ەمحانادا جۇمىس ىستەۋگە نەمەسە رەزيدەنتۋراعا تۇسۋگە قۇقىلى.2022 جىلى جانە كەيىنىرەك (2026 جىلعا دەيىن) وقۋعا تۇسكەندەردىڭ وقۋ مەرزىمى – 6 جىل. مۇندا پراكتيكالىق دايارلىق پەن وقۋ ساعاتتارىنىڭ كولەمى ارتتىرىلعان. تۇلەكتەر مەديتسينالىق-سانيتاريالىق العاشقى كومەك دەڭگەيىندە جۇمىس ىستەي الادى نەمەسە رەزيدەنتۋرادا ءبىلىمىن جالعاستىرادى.
جاڭا رەفورمانىڭ ارتىقشىلىقتارىاقمارال ءالنازاروۆا بۇل وزگەرىستەردىڭ مەديتسينا سالاسىنا بەرەر پايداسىن اتاپ ءوتتى.
وقۋ بارىسىندا پراكتيكالىق جۇمىستىڭ ۇلەسى ارتادى; دارىگەرلەردى دايارلاۋ ساپاسى ەۋروپالىق ستاندارتتارعا جاقىندايدى; جاس مامانداردىڭ ەڭبەك جولىن ەرتەرەك باستاۋىنا مۇمكىندىك تۋادى; كلينيكالىق پراكتيكا مەن بازالىق ءبىلىمنىڭ ۇشتاسۋى مەديتسينالىق كومەكتىڭ تيىمدىلىگىن ارتتىرادى.ءمينيستردىڭ سوزىنشە, جاڭا مودەلدىڭ نەگىزگى ارتىقشىلىعى – بولاشاق دارىگەرلەردىڭ كاسىبي يكەمدىلىگى مەن پراكتيكالىق دايىندىعىنىڭ جوعارى بولۋىندا.