بيىلعى جىلدىڭ ءبىرىنشى توقسانىندا قازاقستاندا جوعارى ءبىلىم بەرۋ قىزمەتتەرىنىڭ باعاسى ايتارلىقتاي ءوستى. ۇلتتىق ستاتيستيكا بيۋروسىنىڭ مالىمەتىنشە, وقۋ اقىسى وتكەن جىلدىڭ سايكەس كەزەڭىمەن سالىستىرعاندا ورتا ەسەپپەن 10,8%-عا جوعارىلاعان, دەپ حابارلايدى Egemen.kz.
رەسپۋبليكا بويىنشا ورتاشا كورسەتكىش 110,8% بولعانىمەن, كەي وڭىرلەردە باعانىڭ ءوسۋى بۇدان الدەقايدا جوعارى:
اتىراۋ وبلىسىندا – 36,3%; تۇركىستان وبلىسىندا – 19,6%; ماڭعىستاۋ وبلىسىندا – 15,4%; شىمكەنتتە – 15,2%; استانادا – 15%-عا قىمباتتادى.الماتى قالاسىندا ءبىلىم بەرۋ قىزمەتتەرى 9,4%-عا وسسە, الماتى وبلىسىندا باعا مۇلدەم وزگەرمەگەن. ەڭ تومەنگى ءوسىم قوستاناي (1,8%), اقتوبە (5%) جانە ۇلىتاۋ (5,9%) وبلىستارىندا تىركەلگەن.
سان ەمەس, ساپا ماڭىزدى: توقاەۆ شەتەلدىك جوو-نا بولىنەتىن مەملەكەتتىك گرانت قۇنىن قايتا پىسىقتاۋدى تاپسىردى
وقۋ اقىسىنىڭ مولشەرى: 500 مىڭنان 7,6 ميلليون تەڭگەگە دەيىنبۇگىندە ەلوردالىق جانە الماتىلىق جوعارى وقۋ ورىندارىنداعى وقۋ اقىسى وڭىرلەرمەن سالىستىرعاندا الدەقايدا جوعارى. الماتىدا جىلدىق وقۋ اقىسى ماماندىق پەن جوو مارتەبەسىنە قاراي 500 مىڭنان 7,6 ملن تەڭگەگە دەيىن جەتسە, وڭىرلەردە بۇل كورسەتكىش 450 مىڭ مەن 2,4 ملن تەڭگە ارالىعىندا اۋىتقيدى.
ءبىر قىزىعى, باعانىڭ ءوسۋى اقىلى نەگىزدە وقۋعا تۇسۋشىلەردىڭ سانىن ازايتقان جوق. Finprom مالىمەتىنشە, 2025-2026 وقۋ جىلىندا كوممەرتسيالىق بولىمگە 130,8 مىڭ ستۋدەنت قابىلداندى, بۇل وتكەن جىلمەن سالىستىرعاندا 27,6%-عا ارتىق.
ۇلتتىق رەيتينگكە ىلىكپەگەن ۋنيۆەرسيتەتتەر قارجىلاندىرۋدان قاعىلادى
وتكەن جىلى جوعارى وقۋ ورىندارى كورسەتكەن قىزمەتتەردىڭ جالپى كولەمى 807,8 ملرد تەڭگەنى قۇرادى. ونىڭ 61%-ى نەمەسە 493,1 ملرد تەڭگەسى الماتى مەن استانا قالالارىنىڭ ۇلەسىندە. بۇل مەگاپوليستەر مەن وڭىرلەر اراسىنداعى ءبىلىم ساپاسى مەن قارجىلىق مۇمكىندىكتەردىڭ الشاقتىعىن تاعى ءبىر مارتە دالەلدەيدى. ماسەلەن, الماتىداعى قىزمەت كولەمى 310,6 ملرد تەڭگە بولسا, ماڭعىستاۋ وبلىسىندا بۇل كورسەتكىش نەبارى 4,3 ملرد تەڭگەنى قۇراعان.