پەتروپاۆل قالاسىندا 2013-2025 جىلدارى جۇرتقا وسىممەن قارىز بەرۋ ارقىلى 1,8 ملرد تەڭگە اقشا تاپقان وسىمقوردىڭ قىلمىستى ءىسى اياقتالىپ, سوتقا جولداندى دەپ حابارلايدى Egemen.kz.
وسىمقوردىڭ قىلمىسى – ەشقانداي ليتسەنزيا الماي, سالىق تولەمەي, قارىز الۋشىنى قورقىتىپ-ۇركىتۋ جانە ءوسىم پايىزىن ورەسكەل ۇلكەيتىپ جۇرگەندىگىندە بولىپ وتىر.
وزىنەن قارىز العان اداممەن جاسالعان كەلىسىمشارتىندا ول ءبىر ايداعى قايتارىلماق سومانى 5-10 پايىزعا كوتەرىپ كورسەتكەن. ءسويتىپ جىلدىق ءوسىم 60-120 پايىز بولىپ شىعا كەلگەن. قارىزدىڭ قايتارىلۋىن قامتاماسىز ەتۋ ءۇشىن ول الۋشىنىڭ كولىكتەرى مەن جىلجىمايتىن م ۇلىكتەرىن يەلەنۋ تۋرالى جاساندى كەلىسىمشارتتار دا جاساعان.
سونىمەن بىرگە قارىزگەرلەرىنە قورقىتۋ, قول جۇمساۋ شارالارىن دا قولدانعان. سوتتىڭ سانكتسياسىمەن مۇلكىن تۇتقىنداعاندا وسىمقوردا 1,1 ملرد تەڭگە اقشا, 2 پاتەر, 2 تۇرعىن ءۇي, ءبىر جەر ۋچاستوگى, 2 اۆتوموبيل بولعان. قازىر وعان كۇزەتپەن ۇستالۋ شاراسى قولدانىلىپ, ءىسى سوتقا كەتتى.
وسكەمەن اۋەجايىنىڭ بۇرىنعى باسشىسى 8 جىلعا سوتتالدى