شىمكەنت. 13 مامىر. وڭتۇستىك قازاقستان وبلىسى شاردارا اۋدانىندا بوگدە بىرەۋدىڭ ەكى جاسار بالاسىن كەۋدەسىنەن ۇرعان ايەل سوت جۇزىندە جازا الدى. بۇل تۋرالى وبلىستىق سوتتىڭ ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
«وڭتۇستىك قازاقستان وبلىسى شاردارا اۋداندىق سوتى قىلمىستىق كودەكستىڭ 109-بابى بويىنشا ايىپ تاعىلعان سوتتالۋشى نارىمبەتوۆاعا قاتىستى قىلمىستىق ءىستى قارادى», - دەلىنگەن حابارلامادا.
ءىستى قاراۋ بارىسىندا سوتتالۋشى نارىمبەتوۆانىڭ 2015 جىلعى 23 ناۋرىزدا جەكە ايىپتاۋشى بەكمانوۆامەن بولعان ۇرىس كەزىندە وعان ءوز باسىنىڭ جەك كورە قاراۋى سالدارىنان ەكى جاسار ۇلىن كەۋدەسىنەن ءبىر رەت ۇرىپ جىبەرەدى. بۇل سوتتا بەكمانوۆانىڭ بالاسىنا قاتتى اۋىرسىنۋ اكەلۋمەن بىرگە, ونىڭ دەنساۋلىعىنا زالال كەلتىرەتىن ارەكەت رەتىندە باعالاندى.
سوندىقتان سوتتىڭ ۇكىمىمەن سوتتالۋشى اتالعان قىلمىستىق ءىس ءۇشىن ايىپتى دەپ تابىلدى. وعان 30 ەڭ تومەنگى ايلىق كولەمىندە, ياعني 60 مىڭ تەڭگەگە جۋىق اقشانىڭ ايىپپ ۇلى سالىندى.
ۇكىم ءالى زاڭدى كۇشىنە ەنگەن جوق.
باقتيار تايجان.
دەرەك, سۋرەت: egemen.kz.