استانا. 26 ناۋرىز. قىتايدىڭ حاينان ارالىندا جول-كولىك وقيعاسىنان قازاقستان ازاماتى قايتىس بولدى. بۇل تۋرالى mail.ru حابارلادى.
سىرتقى ىستەر مينيسترلىگىنىڭ ءباسپاسوز قىزمەتى تاراتقان مالىمەتكە سۇيەنسەك, وقيعا 21 ناۋرىزدا بولعان. سونىڭ سالدارىنان 1990 جىلى تۋعان ارتۋر ءابسالياموۆ ەسىمدى وتانداسىمىز قازا تاپقان. قازىرگى تاڭدا ەلىمىزدىڭ بەيجىڭدەگى كونسۋلدىعى وسى ماسەلەگە قاتىستى جۇمىس ىستەۋدە. «قازىر ءبىزدىڭ قىزمەتكەرلەر حاينان ارالىندا ءجۇر. ولار قازا تاپقان وتانداسىمىزدىڭ مۇردەسىن قازاقستانعا جەتكىزۋ ماسەلەسى بويىنشا قاجەتتى قۇجاتتاردى دايىنداپ, كومەك كورسەتۋدە», – دەلىنگەن مينيسترلىكتىڭ مالىمدەمەسىندە.
ۆەدومستۆونىڭ حابارلاۋىنشا, ءابسالياموۆتىڭ مۇردەسىن قازاقستانعا جەتكىزۋ كەزىندە كەتەتىن شىعىندى وعان جۇمىس بەرۋشى تاراپ ءوز موينىنا العان.
ەلامان قوڭىر.
دەرەك, سۋرەت: mail.ru.