بۇگىن «دوستىق ۇيىندە» قىزىلوردا وبلىسىنىڭ اكىمى نۇرلىبەك نالىباەۆتىڭ قاتىسۋىمەن رەسپۋبليكالىق رەفەرەندۋم اياسىندا «حالىقتىق كونستيتۋتسيا – قۋاتتى مەملەكەت» تاقىرىبىندا ساراپشىلار كەزدەسۋى ءوتتى, دەپ حابارلايدى Egemen.kz.
وعان ءماسليحات دەپۋتاتتارى, قۇقىق قورعاۋ ورگاندارىنىڭ, باسقارمالار مەن اۋماقتىق دەپارتامەنتتەردىڭ باسشىلارى, بيزنەس قاۋىمداستىعىنىڭ وكىلدەرى, جوعارى وقۋ ورىندارىنىڭ عالىم-ۇستازدارى, ساياسي پارتيا جەتەكشىلەرى, ۇكىمەتتىك ەمەس ۇيىمدار, اسسامبلەيا مۇشەلەرى, جاستار, بۇقارالىق اقپارات قۇرالدارىنىڭ وكىلدەرى قاتىستى.
استانادا جاڭا كونستيتۋتسيا جوباسى بويىنشا ساراپتامالىق تالقىلاۋ ءوتتى
ايماق باسشىسى كونستيتۋتسيالىق رەفورمانىڭ ماڭىزدىلىعىنا توقتالىپ, جالپىحالىقتىق رەفەرەندۋمنىڭ ەل بولاشاعى ءۇشىن ايرىقشا مانگە يە ەكەنىن اتاپ ءوتتى.
«كونستيتۋتسيالىق رەفورما جونىندەگى جالپىحالىقتىق تالقىلاۋلار جارتى جىلعا جۋىق ۋاقىت ءارتۇرلى الاڭداردا ءوتتى. بۇل – قوعامنىڭ ساياسي بەلسەندىلىگى مەن ازاماتتىق جاۋاپكەرشىلىگىنىڭ ايقىن كورىنىسى. ەل تاعدىرىنا قاتىستى ماڭىزدى شەشىمدەردى حالىقتىڭ تىكەلەي داۋىس بەرۋىنە ۇسىنۋ – دەموكراتيانىڭ شىنايى ءارى مىزعىماس قاعيداتى. جاڭا كونستيتۋتسيا جوباسىندا مەملەكەتىمىزدىڭ ىرگەلى نەگىزدەرى, باستى قۇندىلىقتارى مەن دۇنيەتانىمدىق ۇستانىمدارى جۇيەلەنىپ, زاماناۋي تالاپتارعا ساي جاڭعىرتىلدى. جالپىحالىقتىق رەفەرەندۋم تاۋەلسىز قازاقستاننىڭ الداعى دامۋ كەزەڭىن ايقىنداپ, ەل تاريحىندا جاڭا بەلەستىڭ باستالۋىنا نەگىز بولادى دەپ سەنەمىز.
پرەزيدەنتىمىزدىڭ باستاماسىمەن ەلىمىزدە سوڭعى جىلدارى قولعا الىنعان ساياسي رەفورمالاردى جۇزەگە اسىرۋدا سىر ءوڭىرى بەرەكە-بىرلىكتىڭ, تاتۋ تىرلىكتىڭ ۇلگىسىن كورسەتىپ كەلەدى. ۇلتىمىزدىڭ تاريحىنا التىن ارىپپەن جازىلاتىن الداعى ماڭىزدى ساياسي كەزەڭدە سىر جۇرتشىلىعى ەلىمىزدىڭ شىنايى پاتريوتى رەتىندە ازاماتتىق ۇستانىمدارىن ءبىلدىرىپ, جاڭا كونستيتۋتسيانىڭ جوباسىن قولدايدى دەپ سەنەمىز. بارشاڭىزدى وسى ىسكە جوعارى جاۋاپكەرشىلىكپەن بەلسەندى اتسالىسۋعا شاقىرامىن», دەدى نۇرلىبەك نالىباەۆ.
قوعامدىق كەڭەس مۇشەلەرى جاڭا كونستيتۋتسيا جوباسىن تالقىلايدى
جيىندا وبلىس پروكۋرورى ريزابەك كارىم ۇلى, سەناتورلار كەڭەسىنىڭ مۇشەسى مۇرات باقتيار ۇلى, قورقىت اتا اتىنداعى قىزىلوردا ۋنيۆەرسيتەتىنىڭ باسقارما توراعاسى-رەكتورى, تاريح عىلىمدارىنىڭ كانديداتى ناۋرىزباي سەيىتقالي ۇلى, ءبىلىم سالاسىنىڭ ارداگەرى رايكۇل مانسۇرقىزى, قازاقستاننىڭ ازاماتتىق اليانسى قاۋىمداستىعى وبلىستىق فيليالىنىڭ ءتورايىمى, وبلىستىق قوعامدىق كەڭەس مۇشەسى انار جارىلقاسىنقىزى, «اناعا تاعزىم» ورتالىعىنىڭ ديرەكتورى التىناي بەكماعامبەتقىزى, «Amanat» پارتياسى جانىنداعى «جاستار رۋحى» جاستار قاناتى وبلىستىق فيليالىنىڭ توراعاسى اسەتحان قازي ۇلى پىكىر ايتتى.
ەلىمىزدىڭ ونەركاسىپتىك كاسىپورىندارى جاڭا كونستيتۋتسيا جوباسىن قولدادى