قاراعاندى. 26 ناۋرىز. قاراعاندى وبلىسىندا 100-دەن استام ءۇي سۋ استىندا قالدى. بۇل تۋرالى وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى حابارلادى.
حابارلامادا كورسەتىلگەندەي, شەت اۋدانى اعادىر كەنتىندە ەكى كۇن جاۋعان جاڭبىر سالدارىنان جىرالار مەن قۇبىرلار, «اعادىر-ورتاۋ-ۋسپەن» جولدارى سۋ استىندا قالدى. مۇنداعى 23 كوشەدەگى 101 ءۇيدى سۋ باسقان.
قازىرگى تاڭدا «اعادىر-ۋسپەن» جولدارى قالىپقا كەلتىرىلۋدە. ال قاراجال قالاسىندا 3 كوپ قاباتتى تۇرعىن ءۇيدى سۋ باستى. سوناي-اق, جاڭاارقا اۋدانى اتاسۋ ستانساسىنداعى 33 ءۇي سۋ استىندا قالۋ قاۋپى بار ەكەنى حابارلاندى.
بۇگىندە قاۋىپتى ايماقتان 41 ادام شىعارىلعان. ولاردىڭ مالدارى دا قاۋىپسىز جەرگە جەتكىزىلگەن. بۇدان بولەك, قارقارالى اۋدانىنىڭ ماتاق, بۇركىتتى, قاراكول, ت.اۋباكىروۆ اتىنداعى اۋىلدارىنداعى ۇيلەردىڭ سۋ باسۋ قاۋپى تۇرعىنداردى الاڭداتىپ وتىر.
ايقىن نەسىپباي.
دەرەك: قاراعاندى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
سۋرەت: altaynews.kz.