استانا. 26 ناۋرىز. افريكادا شاڭعى كۋرورتى بار دەگەنگە سەنەر مە ەدىڭىز؟ راس, سەنۋ قيىن. دەگەنمەن, قارا قۇرلىقتا دا قار جاۋادى. ماروككونىڭ يفران اتتى قالاسى بار. اتلاس تاۋىنان ورىن تەپكەن قالا تەڭىز دەڭگەيىنەن 1665 مەتر بيىكتىكتە تۇر. مىنە, ءدال وسى جەردە الپىدەگى شاڭعى كۋرورتتارىنان كەم تۇسپەيتىن كەشەن بار. بۇل تۋرالى egemen.kz حابارلادى.
يفراننىڭ اۋا رايى ەۋروپاعا وتە ۇقساس. قاڭتار-ناۋرىز ايلارىندا قار جاۋىپ, كادىمگى ءوزىمىز بىلەتىن قىس بولادى. قالانىڭ ءوزى دە ەۋروپالىق ستيلدە سالىنعان. سول سەبەپتى دە بۇل جەردى «ماروككونىڭ شۆەيتسارياسى» دەپ اتايدى.
قىستا اۋا تەمپەراتۋراسى تسەلسي كورسەتكىشى بويىنشا 0 گرادۋستىڭ ماڭايىندا بولادى. وڭىردەگى ەڭ تومەنگى تەمپەراتۋرا -24 گرادۋس بولعانى تاريحتا جازۋلى تۇر. ال جازدا ورتاشا اۋا تەمپەراتۋراسى +28 گرادۋس.
قالانىڭ ىرگەتاسىن 1930 جىلدارى فرانتسيادان كەلگەن جۇمىسشىلار قالاعان. ول كەزدە ماروككو اتالعان ەلدىڭ بودانى بولعانى بەلگىلى. 1956 جىلى ازاتتىق العان كەزدە ەلدەگى بارلىق فرانتسۋز ەۋروپاعا ورالىپ, قالا تولىعىمەن جەرگىلىكتى حالىقتىڭ يگىلىگىندە قالدى. سودان بەرى ماروككولىقتار يفراننىڭ اۋماعىن كەڭەيتىپ, جاڭا نىساندار سالعانىمەن, قالانىڭ نەگىزىن سول كۇيىندە قالدىردى.
ەندەشە افريكاداعى شاڭعى كۋرورتى بولعانى ءۇشىن عانا ەلدىڭ نازارىن اۋدارعان قالاعا بىرگە ساياحات جاسايىق.
ەلامان قوڭىر.
دەرەك: egemen.kz.
سۋرەت: facebook.com.