«2026 جىلعى 14 اقپاندا اۋانىڭ لاستانۋىنىڭ قولايسىز مەتەورولوگيالىق جاعدايلارى پاۆلودار, قاراعاندى, جەزقازعان, بالحاش, تەمىرتاۋ, اقتوبە, وسكەمەن, سەمەي, ريددەر, استانا قالالارىندا كۇتىلەدى», دەلىنگەن «قازگيدرومەت» رمك بولجامىندا.
قولايسىز مەتەورولوگيالىق جاعدايلار – اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى, جەڭىل جەل, تۇمان, ينۆەرسيا) جيىنتىعى.
قولايسىز مەتەورولوگيالىق جاعداي كەزىندە ەلدىمەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.
مۇنداي كەزدە تۇرعىندارعا اشىق اۋادا بولۋ ۋاقىتىن, اسىرەسە جولدار مەن باسقا دا لاستاۋ كوزدەرىنە جاقىن جەرلەردە ءجۇرۋدى قىسقارتۋ ۇسىنىلادى. ال وكپەنىڭ سوزىلمالى اۋرۋلارى, جۇرەك-قانتامىر جانە اللەرگيالىق دەرتى بار ادامدار دالادا جۇرگەندە وزدەرىنە قاجەتتى ءدارى-دارمەكتەردى بىرگە الىپ ءجۇرۋى قاجەت.
ايتا كەتەي, بۇگىن قازاقستان بويىنشا, سونىڭ ىشىندە الماتى مەن شىمكەنت قالالارىندا جانە 14 وڭىردە داۋىلدى ەسكەرتۋ جاريالاندى.