الماتى قالاسىندا عىلىم جانە جوعارى ءبىلىم مينيسترلىگىنىڭ قولداۋىمەن ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىندە جوعارى وقۋ ورىندارى مەن عىلىمي-زەرتتەۋ ينستيتۋتتارى عىلىم كورمەسىن وتكىزدى, دەپ حابارلايدى Egemen.kz.
كورمەگە عىلىم جانە جوعارى ءبىلىم ۆيتسە-ءمينيسترى گۇلزات كوبەنوۆا جانە ۆەدومستۆو وكىلدەرى قاتىستى. عالىمدار تسيفرلى تەحنولوگيالار, جاساندى ينتەللەكت, اۋىل شارۋاشىلىعى, نانوتەحنولوگيا, مەتاللۋرگيا, تاعام ونەركاسىبى جانە وزگە دە ستراتەگيالىق ماڭىزدى سالالارداعى زاماناۋي ازىرلەمەلەرگە قاتىستى 40-تان اسا يننوۆاتسيالىق جوبانى تانىستىردى.
عالىمدار ءوز جوبالارىنا قالاي ءىرى قارجى تارتا الادى؟
قازىرگى كەزدە Satbayev ۋنيۆەرسيتەتىنىڭ عالىمدارى وندىرىستىك قالدىقتار مەن جىلۋ ەلەكتر ستانتسياسىنان شىققان كۇلدەردى پايدالانا وتىرىپ, قۇرىلىس ماتەريالدارىن ازىرلەپ جاتىر. پرەزيدەنت تاپسىرماسىنا سايكەس ارنايى تەحنوپارك قۇرىلىپ, وتاندىق جوعارى وقۋ ورىندارىن بىرىكتىرگەن كونسورتسيۋم قۇرامىنا Satbayev ۋنيۆەرسيتەتى جانە ەلىمىزدەگى جوعارى وقۋ ورىندارى كىرگەن. سونىڭ نەگىزىندە بىرلەسكەن زەرتتەۋلەر جاسالىپ, ناتيجەسىندە تسەمەنت جانە 19 ءتۇرلى قۇرعاق قۇرىلىس قوسپالارى دايىندالىپ جاتىر, ونىڭ ىشىنە كافەلدى جەلىمدەر, سىلاقتىڭ تۇرلەرى بار.
عىلىمي جوبانىڭ ءبولىم جەتەكشىسى رۋسلان ەرعالي ۇلىنىڭ ايتۋىنشا, شىعارىلعان ونىمدەر پاتەنتتەلىپ, نارىققا شىعارىلعان. جوبا اياسىندا وندىرىستىك قالدىقتار نەگىزىندە قۇرىلىس ماتەريالدارىن الۋ ماقساتىندا شىمكەنت, الماتى, وسكەمەن قالالارىندا ءوندىرىس ورىندارى اشىلدى. يننوۆاتسيالىق جوبا اياسىندا ءار ءوندىرىس ورنىندا 20-عا جۋىق قىزمەتكەر, جالپى سانى 100-دەن استام ادام ەڭبەك ەتەدى.
عالىمدار كولىك جۇرگىزىپ كەلە جاتىپ مۋزىكا تىڭداۋ قاۋىپتى ەكەنىن ەسكەرتتى
كورمەدە سونداي-اق جەردى قاشىقتىقتان زوندتاۋ تەحنولوگياسى ارقىلى ازىرلەنگەن جاڭا گەولوگيالىق كارتا تانىستىرىلدى. ساتباەۆ ۋنيۆەرسيتەتى ءباسپاسوز قىزمەتىنىڭ دەرەگىنشە, بۇل جوباعا گەولوگتار, فيزيكتەر, ءىت-ماماندار جانە جەردى قاشىقتان زوندتاۋ ورتالىعىنىڭ ساراپشىلارى جۇمىلدىرىلعان. بارلىعى 30-عا جۋىق زەرتتەۋشى قاتىسقان اۋقىمدى جۇمىس ناتيجەسىندە پايدالى قازبالاردى بارلاۋ مەن تابيعي رەسۋرستاردى ءتيىمدى باسقارۋعا مۇمكىندىك بەرەتىن زاماناۋي كارتا جاسالعان. ال قورقىت اتا اتىنداعى قىزىلوردا ۋنيۆەرسيتەتىنىڭ عالىمدارى سۋدى تازارتۋدىڭ يننوۆاتسيالىق ءادىسىن ۇسىندى. زەرتتەۋشىلەر كۇرىش قاۋىزىن وڭدەۋ ارقىلى بەلسەندىرىلگەن كومىر العان. وسى ماتەريالدىڭ كومەگىمەن لاس سۋدى ءتيىمدى سۇزگىدەن وتكىزىپ, اۋىل شارۋاشىلىعىندا قولدانۋعا جارامدى تازا سۋ الۋعا قول جەتكىزگەن. بۇل جوبا سۋ رەسۋرستارىن ۇنەمدەۋگە جانە اگرارلىق سەكتوردىڭ تيىمدىلىگىن ارتتىرۋعا باعىتتالىپ وتىر.
عالىمدار پەستيتسيدتەردى جەدەل انىقتايدى